ЯҢАЛЫКЛАР
ТР гадәттән тыш хәлләр министрлыгының укыту - методик үзәгенә 50 яшь тулу уңаеннан тантаналы чаралар узды.
Узган якшәмбедә көндезге сәгать берләр – икеләр тирәсендә Кама Тамагы районының бердәм дежур – диспетчерлык хезмәте хезмәткәреннән Лаеш районының Атабай торак пункты янына Кама елгасында 202 кеше белән бер зур боз кисәге ватылып йөзеп китүе турындагы хәбәр килеп ирешә. Боз ярдан 300 метр ераклыкта була. Балыкчылар фаҗигагә юлыккан әлеге урында елганың киңлеге - 7 км, тирәнлеге – 15 метр, ә агым тизлеге сәгатенә 1 км. боз кисәге Кама Тамагы районына агым белән йөзеп тә китә.
Бүген Россия Гадәттән тыш хәлләр министрлыгы ТР буенча баш идарәнең матбугат хезмәткәрләре һәм Авиатөзелеш районының надзор хезмәт бүлегенең хезмәткәрләре Авиатөзелеш районының беренче номерлы интернат мәктәбендә укучылар белән янгын куркынычы һәм бозда үзеңне тоту кагыйдәләре буенча дәрес уздырдылар.
Бүген Россиянең гадәттән тыш хәлләр министрлыгының Татарстан Республикасы буенча баш идарәсенең уку - өйрәнү манеж базасында янгын сагының ветераны Николай Лобов истәлегенә багышланган ТР янгын – кулланма спорт буенча дүртенче яшьләр чемпионаты узды.
Ел башынан алып ирекле янгын җәмгыятенең бүлекчәләре мөстәкыйль 132 янгынны сүндерә. 544 янгында алар өстәмә көч буларак катнаша. Ирекле янгын җәмгыяте көче ярдәмендә янгында 22 кешенең гомере коткарыла. Узган атна эчендә Татарстанның ирекле янгын сүндерүчеләре 10 тапкыр янгынны сүндерергә чыга.
Бүген ТР Президенты Рөстәм Миңнеханов Арча муниципаль районында эш сәфәрендә. Сәфәр программасында каралган беренче пункт Арчаның Комаров урамында урнашкан янгын сүндерү депосы булды. Депоның яңа бинасының ачылыш тантанасында Президенттан тыш, шулай ук РФ Гражданнар оборонасы һәм гадәттән тыш хәлләр министрлыгының Идел буе төбәк үзәге җитәкчесе генерал-лейтенант Игорь Паншин, РФ Гражданнар оборонасы һәм гадәттән тыш хәлләр министрлыгының ТР буенча Баш идарәсе җитәкчесе-ТР Гражданнар оборонасы һәм гадәттән тыш хәлләр министры Рәфис Хәбибуллин, Арча муниципаль районы башлыгы Алмас Нәзиров катнашты.
Бүген ТР буенча Федераль янгынга каршы хезмәтенең иң яхшы отряд вәкилләре үзара “ТР буенча Федераль янгынга каршы хезмәтенең иң яхшы бүлек командиры” дигән република конкурсның финал этабында ярыштылар.