ЯҢАЛЫКЛАР

УРМАН БЕТЕ ТОРМЫШЫННАН 

Урман бете 2-3 ел яши. Өлкән урман бетләре көз һәм яз айларында зур урман  хайваннарына ябышып аларның каннарын суыралар. Аннан ана бетләр җиргә йомырка салалар. Берничә атнадан йомыркадан личинкалар- җитлекмәгән бетләр барлыкка килә. Яз һәм җәй айларында вак хайван, тычканнар каны белән туеналар. Икенче елның язында нимфага әверелеп яңа үсеш стадиясе үтә һәм зур беткә әверелә.

Шулай ике еллык яшәү циклы дәвамында личинкалар һәм нимфалар зарарланган тычкан каны эчеп Лайм авыруы күчерәләр. Боррели зарарланган бет тукымасында бик тиз үрчи. Зарарланган бетләр башка иычканнарга, хайваннарга, шулай ук кешеләргә инфекция тарата.

Узган ял  көннәрендә Татарстан сулыкларында 4 кеше батып үлде.  Шуларның 3се ир кеше һәм 1 хатын кыз.

Шимбә  көнне Норлат районының  Зур Чирмешән елгасында 3 нче зональ эзләү-коткару отрядының коткаручылары  1970 яшьлек ир-атның  гәүдәсен судан чыгаралар.  Шул ук  көнне фаҗига Яр Чаллыда да теркәлгән. 45 яшьлек ир-ат су коенганда батып үлгән. 

Хәзер кеше күп  вакытын табигатьтә, су буенда уздырырга тырыша. Әйе, җәй – кояшта кызына, суда коена торган чор. Тик, кызганычка, кешеләрнең барысы да суда һәм су буенда үз-үзен тоту кагыйдәләрен белеп бетерми, ә кайберләре, белә торып та, санга сукмый. Моның нәтиҗәсе исә еш кына аяныч төгәлләнә: Россия сулыкларында ел саен 10–15 меңләп кеше батып үлә. Шунысы бигрәк үкенечле, аларның күп булса, берничә йөзе генә үзләренә бәйле булмаган шартларда бата, ә калганнары исә үз ахмаклыгы аркасында әрәм була...

«Аккош» ял итү зонасында урнашкан «Ялкын» балалар сәламәтләндерү лагерында янгын куркынычсызлык дәресе  кызыклы һәм бай эчтәлекле узды. Әлеге дәресне Россия Гадәттән тыш хәлләр министрлыгы Татарстан Республикасы буенча баш идарәнең матбугат хезмәткәре оештырды. Дәрес барышында балалар янгынга каршы викторина сорауларына җавап бирделәр,  янгын чыккан вакытта үзеңне тоту күнекмәләренә өйрәнделәр.

Өч көн ял вакытында Россия Гадәттән тыш хәлләр министрлыгы ТР буенча баш идарәсе Янгынга каршы дәүләт хезмәтенең бүлекчәләре тревога буенча 169 тапкыр чыктылар. Республикабызда 20 янгын очрагы теркәлде, шушы янгыннарда 1 кеше һәлак булды, 1 кеше җәрәхәтләнде, 61 кеше коткарылды.   Янгыннарның төп сәбәпләре  түбәндәгеләр: мичне артык кыздырудан  – 1 янгын,  ут белән саксыз эш итүдән - 7 янгын,  ут төртүдән – 1 янгын,  балалар шуклыгы аркасында – 1 янгын, 10 янгыннарның сәбәпләре ачыклана.

Аксубай районының федераль янгынга каршы 102нче янгын сүндерү сагы хезмәткәрләре  һәм Түбән Баланданың авыл  халкы Кече Сунча елгасыннан 2004 елгы кыз һәм 1997 елгы малай мәетен табып чыгарганнар.

Узган тәүлектә янгын сүндерү бүлекчәләре чакыру буенча 85 тапкыр ярдәмгә чыккан. Республикада  12 янгын очрагы теркәлгән.  Сәбәпләре: янгын белән саксыз эш итүдән 1янгын, кыска ялганыштан 3 янгын, тәмәке төпчегеннән 1 янгын, мичне артык кыздырудан – 4 янгын, ут төртүдән – 1 янгын,    2 янгынның сәбәбе ачыклана.

Узган тәүлектә янгын сүндерү бүлекчәләре чакыру буенча 57 тапкыр ярдәмгә чыккан. Республикада  10 янгын очрагы теркәлгән.  Бер кеше үлгән. Сәбәпләре: кыска ялганыштан 1 янгын, мичне артык кыздырудан  2 янгын,   7 янгынның сәбәбе ачыклана.

ДТП нәтиҗәләрен ликвидацияләү буенча авария – коткару эшләренә янгын сүндерү бүлекчәләре 18 тапкыр чыктылар. Эзләү – коткару зональ отрядының дежур каравылы тревога буенча 5 тапкыр чыктылар. Шуларның 2 ишекләрне ачу  буенча, 1 тапкыр ДТПга, башка чакырулар буенча – 2 тапкыр.

Яшел Үзәндә “Яшел Үзән муниципаль районының ирекле янгын сүндерүчеләр, коткаручылар һәм волонтерлар Клубының иң матур исем һәм эмблема” конкурсның нәтиҗәләрен чыгардылар. Әлеге клубны барлыкка китерү һәм конкурсны оештыру Яшел Үзәннең янгын сүндерү сагының җитәкчесе чыгыш ясады.   

Җәйнең беренче көнендә бөтен ил балалар яклау көнен билгеләп уздыра. Балалар яклау көне – иң борынгы халыкара бәйрәмнәрнең берсе. Ул 1925 елда Женева шәһәрендә  Бөтендөнья конференциядә  кабул ителде һәм шул вакыттан алып хәзерге көнгә кадәр әлеге бәйрәм матур һәм чын йөрәктән уздырыла.