ЯҢАЛЫКЛАР

Бүген Кама Тамагы “Акчарлак” спорт комплексында “Булгария” пассажирларын эзләү-коткару операциясендә катнашкан “Арабелла” теплоходы экипажын, водолазларны һәм табибларны бүләкләделәр.

“Булгария” баткан урында тикшерү эшләре дәвам итә һәм судноны күтәрүгә әзерлек бара. Бу хакта бүген фаҗига сәбәпләрен тикшерү буенча Хөкүмәт комиссиясе утырышында белдерелде. ТР Хөкүмәт йортында узган утырышта Татарстан Премьер-министры Илдар Халиков катнашты.
Россия гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министры урынбасары Александр Чуприян белдерүенчә, 13 июльнең 17.00 сәгатеннән алып бүгенге көннең 9.00 сәгатенә кадәр водолазлар суднога 94 тапкыр төшкән, 4 кешенең мәете табылган. Водолазлар эзләү операциясе башыннан алып барлыгы 439 тапкыр суднога төшкән. “Булгария” теплоходы һәлакәте фаҗигасендә гомере өзелүчеләрнең 105 мәете табылган.
Һәлакәт урынында Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгыннан 1144 кеше һәм 188 техника эшли, коткаручылар Идел акваториясендә һәлак булучыларның мәетен эзләүне дәвам итә.

Татарстан Республикасында фаҗигале вакыйгалар белән бәйле рәвештә матәм көне игълан итү турында

2011 елның 10 июлендә Куйбышев сусаклагычы аква­ториясендә “Булгария” теп­ло­ходының һәлакәте нәти­җәсендә һәлак булганнар турында авыр кайгы белдереп, аларның туганнары һәм якыннарының хәсрәтен ур­таклашып,карар бирәм:

Кичә Татарстан белән бергә бөтен ил авыр кайгыда иде

Кичә бөтен илдә “Булгария” корбаннарын искә алдылар. Мәскәүдә Президент Медведев белән Хөкүмәт башлыгы Путин һәлак булган кешеләргә багышлап шәм куйган. Ил башлыгына кайгы уртаклашу сүзләрен АКШ җитәкчесе Барак Обама да җиткергән. Матәм чаралары Казан елга портында һәм Иделнең теплоход су төбенә киткән урынында да узды. Фаҗига булган урынга республика җитәкчеләре генә түгел, һәлак булганнарның якыннары һәм журналистларны да алып бардылар. 100­дән артык кешенең ка­берлегенә әверелгән су өстенә Татарстан Президенты Рөстәм Миңнеханов белән Россия транспорт министры Игорь Левитин да чәчәк бәйләмнәре салган. Алар Казандагы Мәрҗани мәче­тендә һәм Петропавловск соборында да булды. Гыйба­дәтханәләрдә корбан­нарның рухына дога кылынды. Елга портына исә чәчәк салырга Миңнеханов һәм Левитин белән бергә Татар­стан­ның беренче Президенты Минтимер Шәймиев тә килде. Бирегә инде халык ике көн дәвамында чәчәкләр һәм уенчыклар китерә, шәмнәр куя.

Республика халкы бу көннәрдә зур тетрәнү кичерә. Иделдәге коточкыч фаҗига бер мизгел эчендә күпме гаиләне кара кайгылы итте. Миңа исә бу юлы репортажымны әлеге фаҗиганең җанлы шаһиты буларак язарга туры килә. Дөресен әйтим, күргәннәрне сурәтләр өчен сүзләр табуы кыен. Мәсәлән, үз баласын югалтудан шашар дәрәҗәгә җиткән ана турында ничек язарга?! Аның күзләре мине әле дә булса тетрәнергә мәҗбүр итә.

Бүген илдә матәм көне. Ә “Булгария” теплоходының корбаннары саны арта тора. Соңгы мәгълүматларга караганда, якшәмбе көнне су төбенә киткән суднода 208 кеше булган. Шулардан 79ы гына исән калган. Кичә газетабыз басмаханәгә тапшырылганда 54 кешенең мәете су өстенә чыгарылган иде. Ватык теплоход ничек итеп юлга чыга алган? “Ватаным Татарстан” хәбәрчесе бу һәм башка сорауларга җавап табарга тырышты.

Россиядә ихтыярый янгын сүндерүчеләр саны 1 млн.нан ким булырга тиеш түгел, дип белдерде гадәттән тыш  хәлләр министры Сергей Шойгу Красноярскида узган ашыгыч киңәшмәдә.

Өч көн ял эчендә республикада 38 янгын очрагы теркәлде.  Үлүчеләр һәм җәрәхәтләнүчеләр юк.

Биектау районында “Солнечный КГМИ” бакчачылар ширкәтендә йорт януы турындагы хәбәр, янгын сүндерү сагына 7 июнь 01 сәг.13 мин. килә.

Удмуртиянең Пугачево авылы янында урнашкан хәрби бүлектә җомгага каршы төндә янгын чыккан, шуннан соң шартлаулар башланган. Тирә-яктагы авыллардан халык читкә чыгарыла.

Янгын сәбәпле бер артиллерия тубының шартлавы Русиядәге икенче бер хәрби ныгытмада да башка снарядларның шартлый башлавына китерде. Удмуртиянең Пугачево авылы янында урнашкан 86696 санлы хәрби бүлектә җомгага каршы төн уртасында янгын чыккан, дип хәбәр итте республиканың гадәттән тыш хәлләр министрлыгы вәкиле. Шартлаулар шуннан соң башланган.