ЯҢАЛЫКЛАР

      Зур масштаблы янгыннарны һәм гадәттән тыш хәлләрне ликвидацияләү буенча бердәм дәүләт гадәттән тыш хәлләрне кисәтү һәм ликвидацияләү буенча идарә итүче органнар көчләре белән зур масштаблы укулар рамкаларында бүген Россия МЧС Идел Буе региональ эзләү һәм коткару отряды Казан эзләү һәм коткару филиал-отряды коткаручылары һәм Татарстан Республикасы Россия МЧС Баш идарәсе Авиация звеносы гомуми күнекмәләре үтте. Укуларның максаты – идарә итүче органнар җитәкчеләренең һәм гадәттән тыш хәлләр ликвидацияләү буенча бердәм дәүләт гадәттән тыш хәлләр кисәтү һәм ликвидацияләү системасы көчләренең заманча технологияләр куллануы булән халыкка яшәү шартларын тәэмин итү, ярдәм итү чараларын булдыру буенча белемнәрен һәм практик күнегүләрен камилләштерү. Аерым игътибар барлык янгын сүндерү җиһазлары белән вертолетка утыру һәм чыгу күнекмәләрен эшләп чыгаруга бирелде.

       Тарарстан Республикасы Россия МЧС Баш идарәсе искә төшерә, боз асты балык тотуы куркыныч, һәм барлык балыкчыларга инде әллә кайчан яраткан эшләрен ярга күчерергә вакыт. Яз күптән килде, ә кайбер сулыкларда калган боз кеше авырлыгын тотмый. Бу елны коткаручылар инде 28 кеше гомерен коткардылар, 5 һәлак булды, алар арасында 1 бала. Юка бозга чыгу өчен җәза каралмаган, инспекторлар кисәтә генә ала. Кисәтүләргә салкын карау аркасында үз гомерегезне генә түгел, якыннарыгыз, туганырыгызны таянычсыз калдыру куркынычы астына куясыз.

      Нәфис Галләмов исемендәге мәктәп укучылары өчен бүген ачык һавада мәктәм ишегалдында “Бөтенроссия ирекле янгынчылар җәмгыяте” Татарстан Республикасы бүлеге гомуми Россия иҗтимагый оешмасы янгын куркынычсызлыгы темасына дәрес үткәрде. Дәрес практикадан башланды. Беренче бирем – акбур белән яңа кардан чистартылган асфальтта янгынчыларны һәм янгын сүндерү махсус техниканы ясарга булды. Укучылар биремне кызыксыну белән үтәделәр. Дәреснең икенче өлешендә ВДПО хезмәткәрләре аңлаешлы һәм мавыктыргыч формада теорияне сөйләп үттеләр. Янгыннан ничек сакланырга, аның чыгуын ничек булдырмаска һәм башка мәгълүмат укучылар өчен яңа булмады. Элементар кагыйдәләрне һәм 01, 112 номерларын сыйныфта һәр бала белә. Шуңа күрә янгынчылар сорауларына укучылар тиз һәм дөрес җавап бирделәр.

Узган тәүлектә янгын сүндерү бүлекчәләре чакыру буенча 62 тапкыр ярдәмгә чыккан.  Чүп-чарны сүндерергә 4 тапкыр, кипкән үләнне сүндерергә - 6 тапкыр. Республикада 10 янгын очрагы теркәлгән. Торак секторда  6 янгын. 1 кеше һәлак булган.

Сәбәпләре: мичне кулланган вакытта янгын куркынычсызлык кагыйдәләрен дөрес үтәмәү аркасында – 3 янгын, эретеп җылыту эшләрен алып барган вакытта янгын куркынычсызлык кагыйдәләрен дөрес үтәмәү аркасында – 1 янгын, ут белән саксыз эш итүдән – 5 янгын, сүндерелмәгән тәмәке төпчегеннән – 1 янгын.   

ДТП нәтиҗәләрен ликвидацияләү буенча авария – коткару эшләренә янгын сүндерү бүлекчәләре 9 тапкыр чыктылар. 7 кеше коткарылган.

Ирекле янгын сүндерүчеләр янгынга – 3 тапкыр чыктылар.

Эзләү – коткару зональ отрядының дежур каравылы тревога буенча 12 тапкыр чыктылар. Шуларның 4се ишекләрне ачу буенча, башка чакырулар буенча – 8 тапкыр. 

      Яз һәм җәй периоды җитү белән коры чирәм янып янгын чыгу очраклары саны арта. Һава салкын һәм яңгырлы булуына карамастан, урыннар белән коры-сары яну күзәтелә. Бу елны Татарстан Республикасы Россия МЧС Баш идарәсе бүлекчәләре һәм ТР МЧС янгынчылары инде 77 янгын сүдерделәр. Барлыгы 250 кеше катнашты һәм 82 берәмлек техника. Гомуми яну мәйданы 43 мең кв.метр тәшкил итте.

      Еш кына язгы янгыннарда кешеләр үзләре гаепле. Дача, йорт алды территорияләрен чистару өчен чүп, кипкән үсемлекләр  яндырыла, балалар учаклар ягалар, һәм үзләре эшләренең корбаннары булалар. Күп еллык чүп үләннәре киң таралган тамырлары ярдәмендә кечкенә учак утын зур мәйдан буенча тиз таратырга мөмкин. Янгынчылар өчен мондый янгынны сүндерүе аеруча авыр эш, һәм зур материаль чыгым.

      Янгын куркынычсызлыгы кагыйдәләрен үтәгез, ял итү урыннарында учак алдында игътибарлы булыгыз. Янгын чыгу очрагында “112” номеры буенча мөрәҗәгать итегез.

      14.04.2014 № 674-р Татарстан Республикасы Министрлар Кабинеты боерыгы буенча яз һәм җәй периодында янгын чыгу очраклары һәм янгында һәлак булганнар саны артуы сәбәбеннән, 21 декабрь 1994 ел №69-ФЗ “Янгын куркынычсызлыгы турында” 30нчы Федераль закон статьясы һәм 18 май 1993 ел №1866-XII «Янгын куркынычсызлыгы турында» 25нче Татарстан Республикасы Законы буенча:

      20 апрельдән 15 майга кадәр Татарстан Республикасы территориясендә махсус янгынга каршы режим булдырырга;

      Нурания Каримовна Галлямова, Фания Каримовна Ульянова, Валентина Николаевна Бикбова һәм Ильсияр Ильгизаровна Сорокина ел саен Ш.С.Каратай исемендәге ТР МЧС Республика реабилитация үзәге стеналарында очрашалар. Аларны бер вакыйга берләштерә - хезмәт бурычын үтәгән вакытта аларның ирләре һәлак була. Мондый хәлләр көтмәгәндә, кинәт була. Гаиләләр өчен бу зур кайгы. Коткаручы көне, Янгынчылык көне, 8 Март һәм башка тантаналы чараларда һәлак булган янгынчыларның туганнары һәм якыннары күрешә, аралаша. Алга таба яшәргә, балаларны үстерергә, түзәргә бу көч бирә. Хәсрәт күргән гаиләләргә гел ярдәм күрсәтелеп тора. Гаиләләр МЧСтан санаторийларга, чит илгә путевкалар алалар. Алар белән бик актив психологик эш алып барыла.

      «Яңа Зәй» газетасы редакциясенә күп катлы йортларда яшәүчеләрдән ишегалларында дөрес калдырылмаган автомобильләр турында мөрәҗәгатьләр килә башлады. Проблема бик актуаль. Куркыныч хәл чыкса, махсус машиналар керә алмыячак. Болай да тар юллар яшәүчеләрнең машиналары белән тулган, зур янгын машинасы белән түгел, җиңел автомобиль, хәтта коляска белән дә кереп булмый. Юлларны кар һәм боздан чистартуга кыенлык тудырыла. 

Узган тәүлектә янгын сүндерү бүлекчәләре чакыру буенча 85 тапкыр ярдәмгә чыккан.  Чүп-чарны сүндерергә 14 тапкыр, кипкән үләнне сүндерергә - 9 тапкыр. Республикада 4 янгын очрагы теркәлгән. Торак секторда  1 янгын. Сәбәпләре: мичне кулланган вакытта янгын куркынычсызлык кагыйдәләрен дөрес үтәмәү аркасында – 1 янгын, транпорт чараның механизмы төзек булмау аркасында – 1 янгын, электр җиһазны монтажлаганда янгын куркынычсызлык кагыйдәләрен дөрес үтәмәү аркасында – 1 янгын, ут белән саксыз эш итүдән – 1 янгын.  

ДТП нәтиҗәләрен ликвидацияләү буенча авария – коткару эшләренә янгын сүндерү бүлекчәләре 13 тапкыр чыктылар. 2 кеше коткарылган.

Ирекле янгын сүндерүчеләр янгынга – 1 тапкыр чыктылар.

Эзләү – коткару зональ отрядының дежур каравылы тревога буенча 8 тапкыр чыктылар. Шуларның 1се ишекләрне ачу буенча, ДТПга - 1 тапкыр, башка чакырулар буенча – 6 тапкыр. 

      Зур янгын һәм гадәттән тыш хәлләр ликвидацияләү буенча бердәм дәүләт гадәттән тыш хәлләр кисәтү һәм ликвидацияләү системасы көчләре һәм идарә итүче органнары белән 15 - 17 апрельдә укулар узачак.