ЯҢАЛЫКЛАР

Үзган тәүлектә Татарстан сулыкларында өч ир – ат батып үлде. Тукай районының Семекеево авылындагы җирле сулыктан коткаручылар 09.45 сәгатьтә  1984 елгы ир-атның үле гәүдәсен чыгардылар.

Узган тәүлектә янгын сүндерү бүлекчәләре 7  тапкыр чүп-чарны сүндерергә чыккан. Республикада  10 янгын очрагы теркәлгән. Торак секторда  - 2 янгын.  Ирекле янгын сүндерүчеләр янгынга 6 тапкыр чыктылар. ДТП нәтиҗәләрен ликвидацияләү буенча авария – коткару эшләренә янгын сүндерү бүлекчәләре 22 тапкыр чыктылар, 22 кеше коткарылган.

Катмыш авылы буасында булган фаҗига бөтен халыкны тетрәндерде. Көндезге 1ләр тирәсендә, Казаннан кунакка кайткан, кабартылган матраста йөзеп йөрүче 1997нче елгы кыз әйләнеп каплана һәм бата башлый. Аңа ярдәмгә авыл егете ташлана. Кызганычка каршы алар, кешеләр күз алдында, төпкә китәләр. Хәбәр җибәрүгә фаҗига урынына Мамадыш эзләнү-коткару отряды хезмәткәрләре килеп җитә. Водолазлар кыз белән егетнең гәүдәләрен шул ук көнне тапты.

Районда янгын чыгу очраклары артты быел. “Кызыл әтәч” ярты елда 26 мәртәбә баш күтәрде. Шуның 24е торак секторда булды, ут салган зыян 1 миллион сумга җитә язды. Иң аянычы – янгыннарда 2 кешенең гомере өзелде, берсе төрле дәрәҗәдә тән җәрәхәтләре алды.

Республика сулыкларында коену сезоны башлаганнар бирле 58 кеше батып үлде. Шуларның 49 ир кеше, 4 хатын – кыз һәм 5 бала.

10 июль көнне Россия Гадәттән тыш хәлләр министрлыгы ТР буенча баш идарәнең кризис хәлләр идарә үзәгенә ТР гидрометериология һәм әйләнә - тирә мохитне  күзәтү идарәсенән һава торышы начараюы турында хәбәр килде: “Бүген төнлә ТР буенча урыны белән һәм Казанда көчле яңгыр явуы, 15-20 м/с кадәр җил белән яшен булуы, кайбер районнарда боз явуы көтелә”.

Узган тәүлектә янгын сүндерү бүлекчәләре 7  тапкыр чүп-чарны сүндерергә чыккан. Республикада  5 янгын очрагы теркәлгән. Торак секторда  - 4 янгын.  Ирекле янгын сүндерүчеләр янгынга 4 тапкыр чыктылар. ДТП нәтиҗәләрен ликвидацияләү буенча авария – коткару эшләренә янгын сүндерү бүлекчәләре 15 тапкыр чыктылар, 17 кеше коткарылган.

Быел яңгырлар явып безне артык куандыра алмады. Кая карама корылык, янгын, бәла-каза  чыгу куркынычы бар. Шул сәбәпле 1 июльдән  20 июльгә кадәр район территориясендә  янгынга каршы аерым режим кертелде.

Универсиада алдыннан кече суднолар буенча Дәүләт инспекциясе хезмәткәрләре Идел һәм Казансу акваторияләрендә патрульдә тора. Алар пляжларда казанлылар белән суда куркынычсызлык кагыйдәләрен үтәү буенча аңлату эшләре алып бара.