ЯҢАЛЫКЛАР

Янгыннарны кисәтү максаты белән Татарстан Республикасы Яр Чаллы янгынга каршы хезмәт отрядының Күзкәй авылын саклау буенча аерым пост эшчеләре даими рәвештә район буенча профилактик караулар үткәрәләр.

Күп балалы гаиләләр, ялгыз картлар һәм имин булмаган гражданнарның яшәү урыннарына аерым игътибар бирелә.

Халыкка янгын куркынычсызлыгы чараларын аңлаталар. Шулай ук янгын килеп чыккан очракта гамәлләр, «101» һәм «112» ашыгыч хезмәтләрнең телефон номерын җыю тәртибе турында да искә төшерәләр.

Кечкенә генә әңгәмәдән соң халыкка янгын куркынычсызлыгы тематикасына белешмәлекләр тапшырыла.

Татарстан Республикасы Премьер-министры А. В. Песошин боерыгы нигезендә 2019 елның февралендә Яшел Үзән муниципаль районында гражданнар оборонасы һәм гадәттән тыш хәлләрдән саклау өлкәсендә комплекслы тикшерү һәм өйрәнүләр үткәреләчәк. 22 гыйнварда оешма, ашыгыч һәм оператив хезмәтләрнең җитәкчеләре һәм җаваплы затлары киңәшмә үткәрде. Махсус һәм комплекслы өйрәнүләрне әзерләү һәм үткәрү турында доклад белән Татарстан Республикасы Гадәттән тыш хәлләр министрлыгының ЗМР буенча идарәсе башлыгы Вячеслав Долганов чыгыш ясады.

Исегезгә төшерәбез, Яшел Үзәндә 2015 елда шундый ук тикшерү узган иде. Ул чакта өйрәнүләр нәтиҗәләре буенча республика комиссиясе "яхшы" билгесен куйды. Алда торган комплекслы өйрәнүләр шулай ук Татарстан Республикасы буенча Россия ГТХМ Баш идарәсе һәм Татарстан Республикасы ГТХМ комиссиясе тарафыннан бәяләнәчәк. Өйрәнүләр ике этапта, тыныч вакытта гадәттән тыш хәлләргә җавап бирү сорауларын эшкәртү белән, шулай ук тыныч вакытта сугыш вакытына күчү шартларында узачак. Барлыгы җиде уку ноктасы эшләнәчәк.

22нче гыйнвар вакыйгалары:

Узган тәүлектә янгын сүндерү бүлекчәләре 35 тапкыр ярдәмгә чыккан. Ялган чакырулар буенча - 16 тапкыр, башка хезмәтләр белән эшләү – 5, ризыкның көю аркасында – 4, кыска ялганыштан – 2 тапкыр. Республика янгын сүндерүчеләре 9 янгынны сүндергән, шул исәптән торак секторда – 3, каралтылар - 1, милекнең төрле формаларында – 1, бакча йортлары-1. Сәбәпләре: электр җиһазны кулланган вакытта янгын куркынычсызлык кагыйдәләрен дөрес үтәмәү - 2 янгын, мичне кулланган вакытта янгын куркынычсызлык кагыйдәләрен дөрес үтәмәү - 3 янгын, ут белән саксыз эш итүдән - 1 янгын.

     Балаларны янгын куркынычсызлыгы чараларына өйрәтү кысаларында Татарстан Республикасы дәүләт учреждениеләре хезмәткәрләре, Татарстан Республикасы Янгын саклау хезмәткәрләре белем бирү һәм мәктәпкәчә оешмаларында даими профилактик әңгәмәләр үткәрәләр.

     2019 елның гыйнварында Татарстан Республикасы янгынга каршы хезмәт Саба отрядының Яңа Шаши авылының аерым пост эшчеләре Татарстан Республикасы Әтнә муниципаль районының Яңа Шаши «Кояшкай» балалар бакчасында тәрбияләнүчеләр белән әңгәмә үткәрделәр.

     Уен формасында Татарстан Республикасы янгынга каршы хезмәт хезмәткәре балаларга янгын килеп чыгу сәбәпләре турында сөйләде: шырпы, электр приборлары белән уйнарга ярамый, ә янгын чыккан очракта өлкәннәр җитәкчелегендә бинадан тиз һәм оешып чыгып китәргә кирәк, дип аңлатты. Ачык мисал өчен янгын сүндерүчеләр балалар бакчасыннан һәм хезмәт күрсәтүче персоналдан уку эвакуациясен үткәрделәр. Әңгәмә ахырында балаларга ата-аналар белән алга таба өйрәнү өчен янгынга каршы тематикага белешмәлекләр тапшырды.

     21нче гыйнвар вакыйгалары:

     Узган тәүлектә янгын сүндерү бүлекчәләре 30 тапкыр ярдәмгә чыккан. Ялган чакырулар буенча - 9 тапкыр, башка хезмәтләр белән хезмәттәшлек итүгә - 9, ризыкның януына – 1, кыска ялганыштан - 3 тапкыр. Республика янгын сүндерүчеләре 9 янгынны сүндергән, шул исәптән торак секторда – 4, каралтылар - 3, милекнең төрле формаларында – 1, бакча йортлары-1. Кызганычка каршы, 1 кеше һәлак булган.

Сәбәпләре: электр җиһазны кулланган вакытта янгын куркынычсызлык кагыйдәләрен дөрес үтәмәү аркасында – 4 янгын, мичне кулланган вакытта янгын куркынычсызлык кагыйдәләрен дөрес үтәмәү аркасында - 1 янгын, ут белән саксыз эш итүдән - 2 янгын, ут төртүдән – 1 янгын.

Бүген Алабуга муниципаль районы буенча күзәтчелек эшчәнлеге һәм профилактик эшләр бүлеге хезмәткәрләре башлангыч сыйныф укучыларын янгын куркынычсызлыгы кагыйдәләренә өйрәттеләр.

Куркынычсызлык дәресләре Алабуга шәһәренең бер мәктәбендә бер үк вакытта барлык башлангыч сыйныфларда үткәрелде. Һәм бу дәресләрне мәктәп укытучылары түгел, ә гадәттән тыш хәлләр министрлыгы хезмәткәрләре үткәрде, шуңа күрә балалар зур кызыксыну белән тыңладылар һәм Дәүләт янгын күзәтчелеге инспекторлары белән диалогта актив катнаштылар.

20нче гыйнвар вакыйгалары:

Узган тәүлектә янгын сүндерү бүлекчәләре 51 тапкыр ярдәмгә чыккан. Ялган чакыру буенча - 19 тапкыр, башка хезмәтләр белән хезмәттәшлек итүгә - 13, ризык януына – 4, кыска ялганыштан - 3 тапкыр. Республика янгын сүндерүчеләре 9 янгын сүндергән, шул исәптән торак секторда – 3, каралтылар - 3, транспорт чаралары – 1, милекнең төрле формалары – 2. 2 кеше зыян күргән. Кызганычка каршы, 1 кеше һәлак булган. 1 кеше коткарылган.

Янгын сәбәпләре: электр җиһазларын кулланган вакытта янгын куркынычсызлгы кагыйдәләрен дөрес үтәмәү аркасында – 2 янгын, мичне кулланган вакытта янгын куркынычсызлгы кагыйдәләрен дөрес үтәмәү аркасында - 4 янгын, ут белән саксыз эш итүдән - 1 янгын, башка сәбәпләр аркасында – 2 янгын.

Бүген православие динен тотучылар Крещение Господне зур чиркәү бәйрәмен билгеләп үтә. Бу көнне илнең күп кенә төбәкләрендә бәкеләр янында коенырга теләүчеләр җыела. Республиканың 37 муниципаль берәмлегендә Крещение Господня бәйрәмен үткәрү чорында 123 коену урыны оештырылган, шуларның 41е елгаларда урнашкан; 42 урыны күлләрдә һәм буаларда; 40 бәке чишмәләрдә (0,5 метрдан 1,5 метрга кадәр тирәнлектә). Катнашучылар саны-27 меңнән артык кеше. Коенучылар иминлеген тәэмин итү өчен барлыгы ГТХМ, ЭЭМ, Сәламәтлек саклау министрлыгы, иҗтимагый оешмалар һәм муниципаль берәмлекләр, 951 кеше җәлеп ителгән, 255 берәмлек техника кулланылган.

19.01.2019, 09.27 сәгатьтә ”Татарстан Республикасы буенча Россия ГТХМ Баш идарәсенең Кризислы Хәлләр белән Идарә итү Үзәге Баш Идарәсе”нә “112” «системасы буенча "Сәүдә Йорты бинасында янгын турында хәбәр килде.

Бинада янгын сигнализациясе һәм янгын вакытында эвакуация системасы эшләде, бинадан 60 кеше мөстәкыйль эвакуацияләнде.

Бөгелмә янгын сүндерү һәм коткару гарнизонының көчләре һәм чаралары 2нче номерлы автомат чакыру буенча җибәрелде.

«ТР буенча ОФПС 11» ФГКУ ПЧ-64 янгын сүндерү-коткару бүлегенең беренче янгын сүндерү бүлеге килеп җитү буенча 09.32 сәгатьтә сәүдә йорты бинасы түбәсе яну очрагы ачыкланды. 10.15 сәгатьтә 80 кв.м мәйданга таралган янгын сүндерелгән.

Урында Россия гадәттән тыш хәлләрне кисәтү һәм бетерү бердәм системасыннан 42 кеше һәм 18 берәмлек техника, шул исәптән Россия ГТХМнан 18 кеше һәм 10 берәмлек техника эшләгән.

Узган тәүлектә янгын сүндерү бүлекчәләре 38 тапкыр ярдәмгә чыккан. Республика янгын сүндерүчеләре 9 янгын сүндергән, шул исәптән торак секторда – 3, каралтылар – 1, төрле милек – 1/ Кызганычка каршы, 1 кеше һәлак булган. Тагын бер кеше зыян күрде. Бер кеше коткарылган.

Сәбәпләре: электр җиһазны кулланган вакытта техник чараларын дөрес үтәмәү аркасында – 2 янгын, ут белән саксыз эш итүдән – 2 янгын, мичне кулланган вакытта янгын куркынычсызлык кагыйдәләрен дөрес үтәмәү аркасында – 1 янгын.