ЯҢАЛЫКЛАР

1-нче номерлы әзерлеккә китерү турында мобиль телефонга ашыгыч хәбәрдән бүген Казан муниципаль хакимияте, шулай ук авария һәм ашыгыч хезмәтләр вәкилләрендә эш көне башланды. Казан территориясендә, бөтен ил буенча кебек үк, федераль һәм республика башкарма хакимият органнары һәм җирле үзидарә органнары катнашында гражданнар оборонасы көчләрен һәм чараларын җәелдерү буенча күнекмә узды. Татарстан Республикасы башкаласы Казан шәһәрендә күнегүләр үткәрү өчен дистәгә якын төрле объект җәлеп ителде.

2 октябрьдә Россия ГТХМ министры Евгений Зиничев барлык дәрәҗәдәге башкарма хакимият органнары белән бергә гражданнар оборонасы буенча бөтенроссия штаб өйрәнүләренә старт бирде.

1-нче октябрь вакыйгалары:

ТР буенча Россия ГТХМ ДЯХ бүлекчәләре чакыру буенча 44 тапкыр ярдәмгә чыккан. Республика янгынчылары 16 янгынны сүндергән. Сәбәпләре: электр җиһазны кулланган вакытта техник чараларын дөрес үтәмәү аркасында – 4 янгын, мичне кулланган вакытта янгын куркынычсызлык кагыйдәләрен дөрес үтәмәү аркасында – 2 янгын, ут белән саксыз эш итүдән-10 янгын.

Яр Чаллы эзләү-коткару отряды – Россия ГТХМ Идел буе региональ эзләү-коткару отряды филиалы базасында Россия ГТХМ эзләү-коткару кинология төркемнәренең укыту-тренировка җыелуы һәм сертификация сынаулары тәмамлана. Дүрт аяклы ярдәмчеләрен аттестацияләүгә Калининградтан Сахалинга кадәр кинологик төркемнәр килгән.

30-нчы сентябрь вакыйгалары:

ТР буенча Россия ГТХМ ДЯХ бүлекчәләре чакыру буенча 45 тапкыр ярдәмгә чыккан. Республика янгынчылары 13 янгынны сүндергән, шул исәптән: торак секторда-6 янгын, каралтылар – 1 янгын, башка объектларда - 6 янгын.

30 сентябрьдә 17.34 сәгатьтә Яр Чаллы ш., ГЭС п., 7/2 нче йорт фатирда янгын чыгу турында хәбәр килде. Фатирда 1941 елгы хатын-кыз яши, сорашып белешү нәтиҗәсендә, хатын-кыз үзенең кәрәзле телефонын розеткага куеп, телефонны диванга куеп, йоклап китә. Аннары ул янгын хәбәрчесенең тавышлы сигналыннан уяна һәм диван януын күрә. Өлкән яшьтә булу сәбәпле, хатын авыр йөри.

Бүген Казан федераль университетында төп бинадан кешеләрне куркынычсыз эвакуацияләү буенча планлы, янгын-тактик өйрәнүләр узды. «Янгын учагы» өйрәнүләре сценарие буенча төп бинаның подвал өлешендәге биналарның берсендә булган. Янгын тревогасыннан соң КФУ укучылары һәм хезмәткәрләре эвакуацияләнде, янгын сагы килде.

Гражданнар оборонасы буенча Бөтенроссия өйрәнүләре кысаларында 2020 елның 2 октябрендә Татарстан Республикасы территориясендә «Россия Федерациясе территориясендә гражданнар оборонасы буенча чараларны үтәүне оештыру» темасы буенча укулар узачак. Штаб күнегүләре кысаларында Татарстан Республикасы дәүләт хакимияте органнарын, җирле үзидарә органнарын һәм оешмаларын җәлеп итеп, гамәли чаралар планлаштырылган.

29-нчы сентябрь вакыйгалары:

ТР буенча Россия ГТХМ ДЯХ бүлекчәләре чакыру буенча 47 тапкыр ярдәмгә чыккан. Республика янгынчылары 5 янгынны сүндергән, шул исәптән: торак сектор - 1 янгын, транспорт чарасы – 1 янгын, башка объектлар - 3 янгын.

Россия ГТХМ 30 еллыгы хөрмәтенә 8 янгын-коткару отряды хезмәткәрләре Яшел Үзәннең үзәк урамнарының берсендә 30 алма утырттылар. ”Яшел акция” башкала урамында оештырылды.