Яшел Үзән янгынчылары Россия ГТХМ 30 еллыгы хөрмәтенә 30 алмагач утырттылар
Россия ГТХМ 30 еллыгы хөрмәтенә 8 янгын-коткару отряды хезмәткәрләре Яшел Үзәннең үзәк урамнарының берсендә 30 алма утырттылар. ”Яшел акция” башкала урамында оештырылды.
Шул ук вакытта акциядә эштә эшләүчеләр дә, бу көнне ял итүчеләр дә катнашты. Шунысын да билгеләп үтәргә кирәк, янгынчылар шәһәр өчен файдалы чараларда ел саен катнашалар. Янгынчылар агач һәм куаклар утырттылар. Ә 2018 елда янгын-коткару бүлеге янында үз аллеясын булдырдылар, анда шәһәрлеләргә уңайлы булсын өчен иркен эскәмияләр урнаштырдылар.
- Безнең яраткан янгын командасының шәһәрне яшелләндерүдә һәрвакыт катнашуы бик күңелле, - дип шәрехли Яшел Үзәннең баш агрономы Наталья Ячанова. – Һәм шуны әйтәсе килә, янгынчыларның кулы җиңел. Алар утыртканның барысы да 100 процентка үсеп китә.
Резедә Йосыпова