17-нче ноябрь вакыйгалары:
ТР буенча Россия ГТХМ ДЯХ бүлекчәләре чакыру буенча 48 тапкыр ярдәмгә чыккан. Республика янгынчылары 11 янгынны сүндергән, шул исәптән: торак секторда-6 янгын, каралтыда – 1 янгын, башка объектларда – 3 янгын.
Казансу култыклары юка боз белән каплануга карамастан, балык тотарга яратучылар кармакларны ярдан еракка сузган инде. Бүген Казанда КСДИ инспекторлары 7 сантиметрдан кимрәк калынлыкта бозга чыккан гражданнарны ачыклау буенча беренче план рейды үткәрделәр.
Бүгенге көндә, су объектларының куркынычын исәпкә алып, кичәге көннән үк 9 вакытлы коткару постының кизүлеге оештырылган. Алар - Казан, Лаеш, Түбән Кама, Яр Чаллы, Чистай, Кама Тамагы, Минзәлә, Алексеевск районнары.
16 ноябрьдә 21.42 сәгатьтә ашыгыч хезмәтләрне чакыруның бердәм 112 номеры буенча Казанның Совет районындагы Липатов урамы буенча күп фатирлы йорт фатирында 2019 һәм 2015 елда туган ике малайның уртача авырлыктагы исле газ белән агулануы турында хәбәр килде. Зыян күргән балалар БРКХнә озатылды. Фаҗиганең сәбәбе ачыклана.
16-нчы ноябрь вакыйгалары:
ТР буенча Россия ГТХМ ДЯХ бүлекчәләре чакыру буенча 29 тапкыр ярдәмгә чыккан. Республика янгынчылары 11 янгынны сүндергән, шул исәптән: башка объектлар-7 янгын, авыл хуҗалыгы билгеләнешендәге биналар – 1 янгын, эксплуатацияләнмәгән биналар-1 янгын.
Тәтеш гражданлык яклау көллиятендә «коткару эшләре» компетенциясе буенча 2020/2021 еллардагы чемпионат циклының Татарстан Республикасының "Яшь профессионаллар" (WorldSkills Russia) региональ чемпионатын ачу тантанасы булды.
2020 елның 2 ноябреннән Татарстан Республикасында торакка куркынычсызлык айлыгы башланды. Әлеге профилактик акция торакларда янгыннарны һәм аларда кешеләрнең үлүен кисәтүгә, шулай ук халыкның көнкүрештә янгын куркынычсызлыгы кагыйдәләрен үтәүгә юнәлдерелгән.
14 ноябрь кичендә Азнакай шәһәрендә Ямашев ур., 6 адресы буенча урнашкан биш катлы торак йорт фатирында янгын чыкты.
Янгынчыларны йорт яшәүчеләре каршы алдылар. Подъездда төтенләнү күзәтелде. Өченче подъезддан, янгын бүлекләре килеп җиткәнче, 15 кеше эвакуацияләнде.
15-нче ноябрь вакыйгалары:
ТР буенча Россия ГТХМ ДЯХ бүлекчәләре чакыру буенча 57 тапкыр ярдәмгә чыккан. Республика янгынчылары 16 янгынны сүндергән, шул исәптән: торак сектор - 10 янгын, башка объектлар – 6 янгын.
Көзге-кышкы чорда һава шартлары уңайсыз, алар җил көчәю, юеш кар рәвешендәге явым-төшемнәр, бозлы бураннар, шулай ук суның минималь температурасы республика сулыкларында кечкенә суднолар белән килеп чыгу куркынычын арттыра.
Торак фондта куркынычсызлык айлыгы кысаларында бүген Федераль дәүләт янгын күзәтчелеге хезмәткәрләре Казан шәһәре Идел Буе районының йортта социаль хезмәт күрсәтү бүлекчәсе вәкилләре һәм БИЯҖ ТРБ Казан бүлеге хезмәткәрләре белән берлектә торак йортларны карап чыктылар.