ЯҢАЛЫКЛАР

13 ноябрьдә Тәтеш дәүләт гражданнарны саклау колледжында 2018 / 2019 елларның чемпионатлар циклы буенча Татарстан Республикасының "Яшь профессионаллар" (WorldSkills Russia) төбәк чемпионатын ачу тантанасы булды. Быел стартка 5 яшь профессионаллар командасы, 6 яшүсмерләр командасы чыкты. Бәйрәмдә чемпионатның мактаулы кунаклары катнашты: Татарстан Республикасы Гражданнар оборонасы эшләре һәм гадәттән тыш хәлләр министры вазыйфаларын вакытлыча башкаручы Николай Суржко, Татарстан Республикасы Гадәттән тыш хәлләр министрлыгының перспектив үсеш бүлеге башлыгы Светлана Политова, Тәтеш муниципаль районы башлыгы урынбасары Евгений Курков, 133 ПСЧ башлыгы С. А. Фокин.

Бүген Актаныш һәм Минзәлә муниципаль районнары буенча күзәтү һәм профилактика эшләре районара бүлеге инспекторы Алмаз Әфләтунов мөмкинлекләре чикләнгән балалар һәм яшүсмерләр өчен "Умырзая" тернәкләндерү үзәгендә янгынга каршы инструктаж үткәрде.

Үткән тәүлектә чакыру буенча янгын сүндерү бүлекләре 45 тапкыр ярдәмгә чыккан. Шул исәптән  чүп-чар януга – 4, ялган чакыру буенча – 17, янусыз кыска ялганыш аркасында – 3, ризык көю аркасында – 1, башка хезмәтләр белән үзара эшләүгә – 5, башкаларга – 1. Республика янгын сүндерүчеләре 12 янгынны сүндергән, шул исәптән торак секторда – 6. 1 кеше үлгән.

Татарстан Республикасы сулыкларында, елгаларда һәм күлләрдә боз ката башлады. Боз калынлыгы әлегә бик аз һәм куркыныч тудыра. Калынлыгы 7 см булган боз имин дип санала. 7 см дан нечкәрәк бозга чыкканда гражданнарга 1 500 сумнан 2 000 сумга кадәр административ штраф салынырга мөмкин.

Бүген Әлмәт муниципаль районы дәүләт янгын күзәтчелеге хезмәткәрләре башлангыч сыйныф укучыларына янгын куркынычсызлыгы кагыйдәләрен өйрәттеләр. Куркынычсызлык дәресен дәүләт янгынга каршы күзәтүчелек инспекторлары презентация материалыннан башларга карар иттеләр, аннан соң яшь аудиториягә узган "янгын материалы" турында сораулар бирелде.

Арча районының "Мәрхәмәтлек үзәге" тернәкләндерү үзәгендә Куркынычсызлык культурасы елы кысаларында пациентлар һәм үзәкнең хезмәт күрсәтүче персоналы белән янгын куркынычсызлыгы темасына әңгәмә узган.

Үткән тәүлектә чакыру буенча янгын сүндерү бүлекләре 50 тапкыр ярдәмгә чыккан. Шул исәптән  чүп-чар януга – 5, ташланган йортны сүндерүгә – 1, ялган чакыру буенча – 19, янусыз кыска ялганыш аркасында – 2, ризык көю аркасында – 0, башка хезмәтләр белән үзара эшләүгә – 9, башкаларга – 1. Республика янгын сүндерүчеләре 17 янгынны сүндергән, шул исәптән торак секторда – 6, бакча йортлары – 2, гаражлар – 1, вагончыклар – 2, мунчалар – 2, милекнең башка төрләре – 1, транспорт чаралары – 2, кулланылмый торган биналар – 1.

Бүген Татарстан Республикасы Гражданнар оборонасы һәм гадәттән тыш хәлләр буенча уку-методика үзәгендә Татарстан Республикасы дәүләт гражданлык хезмәткәрләренең һәм Татарстан Республикасында муниципаль хезмәткәрләрнең квалификациясен күтәрү программасы башлатылды. Уку барышында тыңлаучылар тарафыннан гражданнар оборонасын оештыру һәм алып баруның норматив-хокукый нигезләре, шулай ук аларның гамәли тормышка ашырылуы каралачак.

Исегезгә төшерәбез, боз калынлыгы 7 см ким булганда бозга чыгу өчен 1,5 меңнән 2 мең сумга кадәр штраф салына. 11 ноябрьдә Минзәләдә Үрдәк күлендә яшүсмер боз астына төшеп киткән. 3 минуттан 122 ПСЧ хәрби расчеты килеп җитте, 2003 елда туган яшүсмер күренде, ул мөстәкыйль рәвештә чыгып җитешкән иде. Ярдәмне өлкән шаһитлар чакырды. Боз калынлыгы шул урында нибары 3 сантиметр тәшкил иткән.

Үткән тәүлектә чакыру буенча янгын сүндерү бүлекләре 63 тапкыр ярдәмгә чыккан. Шул исәптән  чүп-чар януга – 5, ялган чакыру буенча – 21, янусыз кыска ялганыш аркасында – 1, ризык көю аркасында – 0, башка хезмәтләр белән үзара эшләүгә – 14. Республика янгын сүндерүчеләре 12 янгынны сүндергән, шул исәптән торак секторда – 1, бакча йортлары – 2, каралтылар – 1, мунчалар – 5, транспорт чаралары – 1, башка объектларда – 2. 1 кеше коткарылган, 2 кеше зыян күргән, 3 кеше үлгән.