Алексей Песошин ГТХ кисәтү һәм бетерү буенча комиссия утырышында: урман фондында 5 класслы гадәттән тыш янгын куркынычы барлыкка килде
Татарстан Премьер-министры Алексей Песошин Татарстан Республикасында Гадәттән тыш хәлләрне кисәтү һәм бетерү һәм янгын куркынычсызлыгын тәэмин итү комиссиясе утырышын уздырды. Чарада катнашучылар республика территориясендә урман һәм Ландшафтлы янгыннарны булдырмау буенча өстәмә чаралар турында фикер алыштылар.
«Бу җәйдә республика территориясендә аномаль югары температура белән бәйле бик начар хәл килеп чыкты. Урман фондында 5 класслы гадәттән тыш янгын куркынычы барлыкка килде», - диде Алексей Песошин.
Идел буе федераль округы территориясендә 19 августка карата 22 мең гектарга якын мәйданда урман һәм табигый янгыннарның 1441 очрагы теркәлгән.
Урман янгыннарын кисәтү максатларында урманнарны янгынга каршы төзекләндерү буенча тулы бер чаралар комплексы үткәрелә, агитация-аңлату эшләре алып барыла.
Урыннарда эш алып барыла. Патруль төркемнәре эшли, әңгәмәләр үткәрелә, листовкалар һәм белешмәлекләр таратыла, җиһазландырылмаган урыннарда коенуны тыю турында аншлаглар куела, йөзләгән кеше административ җаваплылыкка тартыла.
Утырыш ахырында Алексей Песошин муниципаль берәмлекләр җитәкчеләрен янгын куркынычсызлыгын саклау мәсьәләләрендә Россия Федерациясе һәм Татарстан Республикасы закон һәм норматив-хокукый актлары таләпләрен үтәү буенча тулы чаралар күрергә һәм урман янгыннарын сүндерүгә көчләрнең һәм чараларның әзерлеген контрольдә тотарга чакырды.