Игътибар! Казанда «Мин күкне сайлыйм!» исеме астында авиашоу үткәреләчәк. Бу көнне Казансу елгасы участогында кече судноларны куллану тыела.

2021 елның 5 августы, пәнҗешәмбе

2021 елның 7 августында " Мин күкне сайлыйм!» авиашоу вакытында Идел, Казансу елгаларының су акваторияләре файдаланылачак. Кешеләр тормышы иминлеген тәэмин итү өчен Татарстан Республикасы Министрлар Кабинетының 01.07.2021 ел, №526 карары белән, 2021 елның 7 августында 12.00 дән 20.00 сәгатькә кадәр кече үлчәмле судноларда, шулай ук гидроцикллар, байдаркалар, ишкәкле көймәләрдә, Казансу елгасы участогында Кремль дамбасыннан «Миллениум» күперенә кадәр бару тыела.