ЯҢАЛЫКЛАР

19 майда “Имин шәһәр” аппарат-программа комплексын һәм “112” бердәм номеры аша ашыгыч хезмәтләрне чакыру системасын кору һәм үстерү өлкәсендә тәҗрибә алышу максаты белән Татарстан Республикасына Самара өлкәсенең Җәмәгать иминлеге департаментының җитәкчесе урынбасары җитәкчелегендә Самара өлкәсенең вәкилләреннән торган делегация килгән. Кунаклар Технопаркта һәм ЦУКС та булганнар. Очрашу вакытында Казан шәһәре 112 системасының чакыруларны эшкәртү үзәгендә ГЛОНАСС+112 презентациясе үткәрелгән.

Татарстан Республикасы буенча федераль янгын сүндерү хезмәтенең 8 нче отрядының хезмәткәрләре тактик янгын сүндерү укуларны үткәргән. Төп тема – янгын вакытында күп кеше булган объектта кешеләрне коткару һәм зыян күрүчеләргә ярдәм итү. Укулар планлы булган, балалар да, тәрбиячеләр дә аларны нәрсә көткәнен алдан ук белгән. Шулай булуга карамастан, барлык яклар эшкә бигрәк тә җитди керешкән. Төп максат – чын һәлакәт килеп чыкканда корбаннарны булдырмас өчен ашыгыч хезмәтләрнең һәм педагогларның үзара эш итүен эшкәртергә.

Узган тәүлектә янгын сүндерү бүлекчәләре чакыру буенча 54 тапкыр ярдәмгә чыккан.  Чүп-чарны сүндерергә  9  тапкыр, ялган чакырулар буенча 21 тапкыр, кыска ялганыштан – 2 тапкыр, ризыкның көю аркасында – 1 тапкыр, башка хезмәтләр белән эшләү – 7 тапкыр.  Республикада  11 янгын очрагы теркәлгән.  Торак секторда – 2 янгын, каралтыда – 5 янгын, бакча йортында  – 2 янгын. 1 кеше һәлак булган.  

Бүген Казан шәһәре "Динамо" стадионында Россиянең Дәүләт янгын күзәтчелегенең булдырылуына 90 ел тулуына багышлангын Татарстан Республикасы буенча Россия ГТХМ Баш идарәсенең күзәтү hәм профилактика эше идарәсе командалары арасында мини-футбол буенча ярышлар узды. 21 шәһәр һәм 24 районнарның җыелма командалары мини-футбол буенча   иң яхшы команда исеме өчен көч сынаштылар.

Ярышларны Татарстан Республикасы буенча Россия гадәттән тыш хәлләр министрлыгының Баш идарәсенең  күзәтү һәм профилактик эшләр идарәсе башлыгы эчке хезмәт полковнигы Сергей Сергеев  ачты.

- Һичшиксез, дәүләт янгын күзәтчелегенең билгеләнгән бурычларын хәл итүдә  физик культура ярдәм итә. Ул  безнең хезмәткәрләргә куелган бурычларны лаеклы башкарырга һәм  идарәбезнең данын намус белән күрсәтергә мөмкинлек бирә  - диде Сергеев.

Ярышларга  старт бирү хокукы  Татарстан Республикасының янгын сүндерү сагы ветераны, Татарстан Республикасы буенча Россия гадәттән тыш хәлләр министрлыгының Баш идарәсенең  күзәтү һәм профилактик эшләр идарәсе башлыгының урынбасары Борис Михайлович Фомичевка бирелде.

Мини-футбол буенча финал уенында Казан шәһәренең дәүләт янгын күзәтчелеге  хезмәткәрләре кергән "Рубин" җыелма командасы  hәм Баш идарәнең күзәтү эшләре идарәсенең “ЦАУ” командасы ярыштылар.  Авыр һәм катлаулы көрәштә   5-1 исәбе белән "Рубин"  җыелма командасы җиңде . Җиңүчеләрне тантаналы рәвештә бүләкләү дәүләт янгын күзәтчелеге юбилеен бәйрәм иткән көндә булачак.

Узган тәүлектә янгын сүндерү бүлекчәләре чакыру буенча 89 тапкыр ярдәмгә чыккан.  Чүп-чарны сүндерергә 18 тапкыр, ялган чакырулар буенча – 36 тапкыр, кыска ялганыштан – 3 тапкыр, ризыкның көю аркасында – 1 тапкыр, башка хезмәтләр белән эшләү – 21 тапкыр. Республикада  6 янгын очрагы теркәлгән.  Торак секторда – 2 янгын, транспорт чарада – 1 янгын, бакча йортында – 1 янгын.

Бүген “Иминлек мәктәбе” ярышларының республика этабының җиңүчеләре билгеле булган. Дүрт көн эчендә бөтен республиканың укучылары табигый мохитта исән калу, зыян күрүчегә беренче ярдәм күрсәтү һәм янгын вакытында дөрес эшләү буенча белемнәрен күрсәткәннәр. Дүрт көнлек программада алар берничә араны узган: “Эзләү-коткару эшләре”, “Беренче ярдәм күрсәтү”, “Суда коткару эшләре” һәм “Янгын тактикасы полосасы”. Барлык араларда Бөгелмә укучылары иң яхшы булып чыккан. Икенче урынны Түбән Кама төркеме алган һәм Алабуга балалары өченче урынны җиңгән.

Янгын сүндерүчеләр Васильево поселогында Советлар Союзы Герое Н. Волостной исемендәге Васильево кадетлар мәктәп-интернатының укучыларын янгын иминлеге чараларын пропагандалау эшенә тарта. 153 нче янгын сүндерү һәм коткару бүлегенең янгын сүндерүчеләре белән бергә шәхси торак йортларны әйләнеп чыга, истәлекләре өләшә һәм поселок торучыларын ут белән сак булырга чакыра. Висильево кадетлары торучыларга яхшы таныш, аларның тәкъдимнәрен дусларча кабул итә.

Узган тәүлектә янгын сүндерү бүлекчәләре чакыру буенча 77 тапкыр ярдәмгә чыккан.  Чүп-чарны сүндерергә  7 тапкыр, ялган чакырулар буенча 33 тапкыр, кыска ялганыштан – 6 тапкыр, ризыкның көю аркасында – 2 тапкыр, башка хезмәтләр белән эшләү – 21 тапкыр.  Республикада  4 янгын очрагы теркәлгән.  Торак секторда – 1 янгын, каралтыда – 2 янгын, бакча йортында – 1 янгын.

Узган тәүлектә янгын сүндерү бүлекчәләре чакыру буенча 114 тапкыр ярдәмгә чыккан.  Чүп-чарны сүндерергә  28 тапкыр, ялган чакырулар буенча 57 тапкыр, кыска ялганыштан – 1 тапкыр, ризыкның көю аркасында – 3 тапкыр, башка хезмәтләр белән эшләү – 15 тапкыр.  Республикада  7 янгын очрагы теркәлгән.  Торак секторда – 4 янгын, каралтыда – 2 янгын, транспорт чарада  – 1 янгын.

Бүген Татарстан башкаласында 2017 елда Конфедерацияләр Кубогына   җәлеп ителгән барлык хезмәтләр әзерлегенең төп репетициясе үтәчәк.

ТР буеча Россия гадәттән тыш хәлләр министрлыгы Баш идарәсенең күзәтчелек эшчәнлеге буенча идарә хезмәткәрләре сынау уенының иминлеген тәэмин итүче волонтерлар белән очраштылар. Алар балаларның,  янгын куркынычсызлыгы  кагыйдәләрен искә төшерер өчен, белемнәрен һәм гадәттән тыш хәлләр килеп чыгу  очрагында әзерлеген тикшерделәр.

- Волонтерлар –  “Казан Арена” тамашачыларының, спортчыларның һәм  кунакларның  иминлеген тәэмин итү буенча безнең ярдәмчеләребез , - дип мөрәҗәгать итте җыелганнарга ТР буенча Россия гадәттән тыш хәлләр министрлыгының янгын күзәтчелеге һәм профилактик эшләре буенча идарәсенең  башлыгы урынбасары эчке хезмәт подполковнигы Максим Трущин.

Волонтерлар дәресләрдә актив катнашучы  булдылар,  куелган бурычларны актив үтәделәр.