ЯҢАЛЫКЛАР

Узган тәүлектә янгын сүндерү бүлекчәләре чакыру буенча  105 тапкыр ярдәмгә чыккан. Шул исәптән чүп-чарны сүндерергә 22 тапкыр, ялган чакырулар буенча – 49 тапкыр, кыска ялганыштан – 3 тапкыр, ризыкның көю аркасында – 3 тапкыр, башка хезмәтләр белән эшләү – 18 тапкыр.  Республикада  6 янгын очрагы теркәлгән.  Шул исәптән күпфатирлы йортларда – 1 янгын, каралтыда – 3 янгын, шәхси йортларда – 1 янгын, транспорт чарада – 1 янгын. 1 кеше һәлак булган.

Совет янгын сүндерү хезмәтенең 100 елына һәм "Казаноргсинтез" заводын саклау буенча 28 нче янгын сүндерү һәм коткару бүлегенең 55 еллыгына багышланган тантаналы чара бүген Татарстан Республикасы буенча 5 нче федераль янгынга каршы хезмәт отряды идарәсенең бинасында үтте. Отрядның актлар залында гамәлдәге хезмәткәрләр генә түгел, ә бу бүлекнең чакырылган ветераннары да урнашты.

Янгын сүндерүчеләрнең һөнәри бәйрәм хөрмәтенә 8 нче ФПС отрядында күп чаралар үткәрелә. Быел Совет янгын сүндерү хезмәтенең 100 елы уңаеннан очрашулар оештырырга, үзләренең ветераннарын тупларга һәм аларны һөнәри бәйрәм белән котларга булдылар. Хөрмәтле кунаклар күп еллар элек хезмәт иткән янгын сүндерү бүлекләрендә булдылар, хәрби яшьлекне кабат искә ала һәм элеккеге хезмәттәшләр белән сөйләшә алдылар. Ветераннар Яшел Үзән Янгын сүндерү хезмәтенең музеенда да булдылар. Аларның күбесенә бәйрәмдә "Совет янгын сүндерү хезмәтенең 100 еллыгы" истәлекле медальләрен тапшырдылар.

Һәлакәт урынына ГТХМ нан 4 кеше һәм 2 берәмлек техника җибәрелде: "Хивус-6" һава мендәре судносы һәм "Казанка" тибындагы 2 ишкәкле көймә. 14.35 тә ГИМС коткаручылары "Хивус-6" белән яр буеннан 4 км ераклыкта 6 балыкчы белән сынып киткән бозны таптылар. 14.40 һәм 14.50 арасында барлык балыкчылар "Хивус-6" га эвакуацияләнгән иде, зыян күрүче юк.

Бүген Татарстан Республикасы Министрлар Кабинетында массакүләм мәгълүмат чаралары өчен брифингта актуаль темаларга сөйләштеләр: "Татарстан Республикасының торак пунктларында һәм урманнарында яз һәм җәй чорында янгын иминлеген тәэмин итү" һәм "Татарстан территориясендә ташкын узу". Янгыннар һәм янулар хәле турында Татарстан Республикасы буенча Русия ГТХМ Баш идарәсенең башлыгы урынбасары, күзәтү эшчәнлеге идарәсе башлыгы эчке хезмәт полковнигы Сергей Сергеев сөйләде. 2018.16.04 көненә ташкын хәле турында Татарстан Республикасы гражданнар оборонасы эшләре һәм гадәттән тыш хәлләр министры урынбасары Николай Суржко сөйләде.

Хөрмәтле хезмәттәшләр! Сезне Совет янгын сүндерү хезмәтенең 100 еллыгы белән чын күңелемнән тәбриклим! Юбилей көнендә без бу вакыт эчендә янгын сүндерү хезмәте үткән юлны, уттан кешеләрне, матди һәм мәдәни кыйммәтләрне үз гомерен багышлаганнарны хәтергә алабыз, ветераннарыбызны хөрмәтлибез, хезмәт бурычын башкарганда һәлак иптәшләрнең хәтеренә тиешле бәя бирәбез. Сезгә һөнәри үсеш, хезмәтегездә уңышлар, нык сәламәтлек, гаилә бәхете телим.

Татарстан Республикасы территориясендә су басылган килеш: 2 торак пунктта 14 йорт яны җирләре, 5 түбән күпер һәм 1 туфрак юлының өлеше. Ташкын хәлен мониторинглар өчен 9 оператив төркеменең эше планлаштырыла. Һава мониторингы өчен 17 апрельдә Лаеш муниципаль районында 1 пилотсыз очу аппаратының (ГИМС) кулланылуы планлаштырыла.

1917 ел Революциясеннән соң яңа хакимият яңа дәүләт янгын сүндерү хезмәтен кору соравына зур игътибар итә иде. Инде 1918 елда 17 апрельдә В. И. Ленин имзалаган "Ут белән көрәшү буенча дәүләт чараларын оештыру турында" декрет чыгарылды. Шушы көннән башлап, Русия янгын сүндерү хезмәтенең элгәре булып, совет янгын сүндерү хезмәте үз тарихын алып бара. Гражданнар сугышы тәмамланганнан соң янгын сүндерү хезмәтен яңа техника белән җиһазлау башланды. 30-нчы еллар уртасына янгын сүндерү төркемнәрендә ат көче тарихка кереп калды.

Узган тәүлектә янгын сүндерү бүлекчәләре чакыру буенча  67 тапкыр ярдәмгә чыккан. Шул исәптән чүп-чарны сүндерергә 14 тапкыр, ялган чакырулар буенча – 32 тапкыр,  кыска ялганыштан – 1 янгын, ризыкның көю аркасында – 3 тапкыр, башка хезмәтләр белән эшләү – 13 тапкыр. Республикада 2 янгын очрагы теркәлгән.  Шул исәптән торак секторда – 2 янгын.  

Татарстанда ташкын һәм табигый янгыннар аркасында чыккан гадәттән тыш хәлләрнең нәтиҗәләрен бетерү буенча Бөтенрусия команда-штаб буенча укуларның төбәк этабы башланды. Укулар 17 апрельдән 19 апрельгә кадәр берничә этапта узачак. Бу укуда гадәттән тыш хәлләрне кисәтү һәм бетерү бердәм дәүләт системасының (РСЧС) территориаль система астының көчләре Русия Федерациясенең барлык 85 субъектында эшләтеләчәк.