ЯҢАЛЫКЛАР

Федераль янгынга каршы хезмәтнең яңа кабул ителгән хезмәткәрләренә ант кабул итү тантанасы Ватанны саклаучылар көненә багышланган иде. РФ һәм ТР дәүләт флаглары, шулай ук Россия гадәттән тыш хәлләр министрлыгы байрагы алдында «Татарстан Республикасы буенча 15 нче Федераль янгынга каршы отряд» федераль дәүләт сәламәтлек саклау учреждениесенә хезмәт иткән 25 хезмәткәр халыкка һәм Ватанга ант итте.

Узган ял көннәрендә Татарстан Республикасы буенча Россия ГТХМ Баш идарәсенең су объектларында кешеләр иминлеге бүлеге хезмәткәрләре Идел елгасы акваториясе буенча уртак профилактик рейд оештырдылар. ГИМС инспекторлары белән бергә «Хивус-10» һава мендәре суднаcында закон бозучыларны шулай ук Дәүләт техник күзәтчелек, Балык күзәтчелеге вәкилләре, линия полиция һәм Росгвардия хезмәткәрләре эзләргә киттеләр.

Ватанны саклаучылар көне уңаеннан Татарстан Республикасы Чистай янгынга каршы хезмәт отрядының Иске Рәҗәп авылын саклау буенча аерым пост эшчеләре шәхси йортларда профилактик тикшерүләр үткәрде, шулай ук сугыш һәм хезмәт ветераннарына кар чистарту һәм хуҗалык инвентаре ремонтлау буенча ярдәм күрсәтелде.

24-нче февраль вакыйгалары:

Узган тәүлектә ТР буенча Русия ГТХМ Баш идарәсенең ДЯХ бүлекчәләре чакыру буенча 28 тапкыр ярдәмгә чыккан. Ялган чакырулар буенча-9 тапкыр, башка хезмәтләр белән эшләү – 2 тапкыр, кыска ялганыштан – 2 тапкыр, ризыкның көю аркасында-1 тапкыр. Республика янгын сүндерүчеләре 9 янгынны сүндергән, шул исәптән торак секторда – 3, каралтылар - 1, милекнең төрле формалары – 2. 2 кеше зыян күргән.

22 февральдә Түбән Новгород өлкәсе буенча Россия ГТХМ Баш идарәсе башлыгы, эчке хезмәт генерал-майоры Валерий Синьков Татарстанга эш визиты кысаларында «Россия ГТХМ Идел Буе региональ эзләү-коткару отряды» ФДКУ филиалы – Казан Эзләү-коткару отряды эшчәнлеге белән танышты.

Валерий Синьков КЭКОның шәхси составы белән аралашты, оператив җавап бирү, шулай ук техник җиһазландыру, оештыру-штат чаралары һәм отрядның кинология хезмәтен үстерү мәсьәләләре турында фикер алышты.

21 февральдә Түбән Камада «ТАНЕКО» АҖ Висбрекингын урнаштыруда күрсәтмә янгын-тактик өйрәнүләр уздырылды, анда Федераль янгынга каршы хезмәтнең беренче отрядының 13 янгын-коткару бүлегеннән, шулай ук газкоткаручылар, медиклар һәм җәмәгать тәртибен саклау хезмәте җәлеп ителде. Өйрәнүләрнең барышын Татарстан Республикасы буенча Россия ГТХМ Баш идарәсе башлыгы урынбасары вазыйфаларын вакытлыча башкаручы, эчке хезмәт полковнигы Константин Чанышев күзәтте. 

10.11 сәгатьтә 22 февральдә республиканың Кукмара районы Яңа Сәрдек авылында шәхси торак йортта янгын чыгу турында хәбәр килде. Кызганычка каршы, 3 һәм 6 яшьлек ике малай янгында үлгән. Башлангыч мәгълүматлар буенча, аларның әти-әниләре Кукмара шәһәренә киткән, балалары белән әби калган. Төтен күреп, ул өйгә керергә тырыша, әмма төтен сулый башлагач, аңын югалта. Аны күршеләр коткарып калырга өлгерсәләр дә, өйгә керә алмадылар.

Татарстан Республикасы буенча Россия ГТХМ Баш идарәсе республика халкына мөрәҗәгать итә-балаларны караучысыз калдырмагыз. Балаларны ябык биналарда гына калдыру аеруча куркыныч. Янгын чыккан очракта алар үзләре янган бинадан чыга алмый.

Исегездә тотыгыз: һәр өлкән кешенең бурычы - ут белән уйнауны кисәтү, балаларга аларның куркынычлыгын аңлату. Үз балаларының иминлеге турында кайгыртыгыз, янгын вакытында кичекмәстән бинадан чыгып китәргә кирәклеген аңлатыгыз, аннары «112»ашыгыч хезмәтләрне чакыруның бердәм номерына шалтыратыгыз.

Бүген төнлә Татарстан Республикасы территориясендә булган ике янгын нәтиҗәсендә берьюлы дүрт кеше һәлак булды. Өстәвенә, ике фаҗигале очракта да янгынга һәм кешеләрнең һәлак булуына йортта исерек хәлдә тәмәке тартуы сәбәп булган. Үлем белән тәмамланган янгыннар Лаеш һәм Лениногорск районнарында булды.

Янгыннар турында мәгълүмат:

22 февраль 2019 ел, Лаеш муниципаль районы, Каип авылы, Державин урамы, шәхси йорт.

Икенче янгын Лениногорск муниципаль районының Сугышлы авылында булды. ЮТХ инспекторлары вакыйга урынын карагач ут белән саксыз эш итү версиясен раслады. Янгын чыганагы һәлак булган ир йоклаган урында иде.

21-нче февраль вакыйгалары:

Узган тәүлектә ТР буенча Русия ГТХМ Баш идарәсенең ДЯХ янгын сүндерү бүлекчәләре чакыру буенча 44 тапкыр ярдәмгә чыккан. Республика янгын сүндерүчеләре 11 янгынны сүндергән, шул исәптән торак секторда – 5. Кызганычка каршы, 4 кеше һәлак булды.

ТР буенча 8-нче ФЯХО 52-нче янгын-коткару бүлеге территориясендә юл-транспорт һәлакәте нәтиҗәләрен бетергәндә авария-коткару эшләрен үткәрү буенча ел саен үткәрелә торган ярышлар үткәрелде. Быелгы ярышларда 13 команда катнашты, шул исәптән Яшел Үзәннән генә түгел, күрше районнардан – Кама Тамагы, Апас, Чүпрәле, Буа, Тәтеш, Югары Ослан районнарыннан да. Катнашучылар сүзләренә караганда, мондый чаралар-ул, барыннан да элек, һөнәри осталыкны камилләштерү, тәҗрибә уртаклашу һәм авария-коткару кораллары белән эшләү күнекмәләрен эшләү мөмкинлеге.