2026 елның 9 - 15 гыйнварлары чорына Хезмәт-112 эше йомгаклары

Хисап чорында белгечләр тарафыннан 51589 чакыру кабул ителде һәм эшкәртелде, 35503 вакыйга карточкасы төзелде. Бүгенге көндә республиканың ашыгыч оператив хезмәтләренә мөрәҗәгатьләрнең 57% ка якыны керә.

Бердәм «112» номерына мөрәҗәгатьләр түбәндәге юнәлешләр буенча килде: медицина ярдәме күрсәтү турында – 33,3%, полиция юлламасы буенча – 30,2%, янгын сүндерүчеләр һәм коткаручылар юлламасы буенча – 23,7%, торак – коммуналь хуҗалык мәсьәләләре буенча – 2,4%, авария хәлендәге газ хезмәте юлламасы буенча – 1,9%, башка сәбәпләр аркасында-8,5%. Узган атна нәтиҗәләре буенча җавапны көтүнең уртача вакыты 05 секунд тәшкил итте, белгечнең мөрәҗәгать итүчеләр белән сөйләшүенең уртача вакыты 1 минут 16 секунд тәшкил итте.

Хезмәт-112 психологлары абонентларга тәүлек буе психологик ярдәм күрсәтү режимында 91 консультация үткәргән, психологик ярдәм күрсәтү мәсьәләләре буенча барлыгы 545 чакыру килгән.