Кайгы һәм югалту яшәү вәзгыятендә психологик ярдәм күрсәтү

Югалту һәм кайгы-бу бәйле, әмма югалту кичерешләре процессын тасвирлый торган төрле төшенчәләр.

Югалту - ул нәрсәнедер яки кемнедер югалту вакыйгасы. Бу якын кешене югалту, аерылышу, эш югалту, сәламәтлекне югалту булырга мөмкин.

Кайгы – бу югалтуга эмоциональ реакция. Ул сагыш, авырту, өмет өзелү, ялгызлык, ачу, борчылу, гаеп хисе аша чагыла.

Кайгы-ул, мөгаен, кеше кичерә торган иң катлаулы һәм авыртулы хис. Иң авыр кичереш-якын кешесенең үлеме нәтиҗәсендә кайгы.

Мондый авыр хис – кичерешләр белән ТР Гадәттән тыш хәлләр министрлыгының тернәкләндерү үзәге хезмәткәрләренә психологларга ешрак очрашырга туры килә. Бу учреждениедә 2022 елдан МХОдә һәлак булган катнашучыларның туганнары-әниләре, әтиләре, тол хатыннары һәм балалары медик – психологик тернәкләнү уза.

Тернәкләндерү үзәге психологының бурычы - МХОдә һәлак булучының туганына югалтуны кабул итәргә, аны белдерергә, көчле хисләр кичерергә, яңа әйләнә-тирәлекне җайга салырга һәм югалгансыз яшәргә өйрәнергә ярдәм итү.