Татарстанда янгын куркынычсызлыгы профилактикасын көчәйтәләр
Татарстанда янгын куркынычсызлыгы профилактикасын көчәйтәләр
Ягу чорында янгыннар саны өчтән беренә арта. Быелның башыннан илдә инде 16 мең янгын чыккан, бары тик мич җылытуы аркасында гына.
Татарстанда янгыннарны кисәтү өчен 984 профилактик төркем оештырылды, алар составына полиция хезмәткәрләре, җирле үзидарә органнары хезмәткәрләре, “Татарстан Республикасының янгын куркынычсызлыгы” дәүләт учреждениесенең янгын профилактикасы инструкторлары, муниципаль янгын сагы әгъзалары керде.
Ел башыннан күрсәтелгән профилактик төркемнәре 491 617 тапкыр шәхси хуҗалыкларда, 29 044 тапкыр күпфатирлы торак йортларда булдылар. 874 меңнән артык граждан янгын куркынычсызлыгы чаралары белән таныштырылган, янгын куркынычсызлыгы һәм көнкүрештә үз-үзеңне тоту чаралары турында 874 меңнән артык белешмәлекләр таратылган, 277 меңнән артык кеше катнашкан 8990 җыен уздырылган.
Тикшерү барышында инспекторлар шәхси сектор халкына мичләр һәм каминнар белән файдалану кагыйдәләрен аңлаталар. Шулай ук, салкыннар башлангач, янгыннарның сәбәпләре торакны һәм башка биналарны җылытканда электр җиһазларын эксплуатацияләү кагыйдәләрен бозу булып тора.
Игътибарны куркынычсызлык кагыйдәләренә юнәлтәләр: кулдан ясалган җылыткычлар кулланмасыннар, кабызылган электр җиһазларын һәм ягып җибәргән мичләрне күзәтүсез калдырмасыннар, алар артыннан күзәтүне балаларга тапшырмасыннар, ә өй җиһазлары һәм башка янучан әйберләрне мичтән 70 сантиметрдан якынрак булмаган һәм ягып җибәрә торган тишекләрдән 1,25 метр ераклыкта урнаштырсыннар һәм мичне ягу өчен ягулык сыеклыкларын кулланмасыннар.
Гражданнарны карап йөргәндә Гадәттән тыш хәлләр министрлыгы хезмәткәрләре торакта янгын куркынычсызлыгы чараларын үтәү турында белешмәлекләр тапшыра һәм өйләрдә, фатирларда автоном янгын сүндерү хәбәрчеләре урнаштырырга киңәш итә. Бу файдалы җайланмалар үз тавышы белән төтенләгән очракта хәтта йоклап яткан кешене дә уятырга сәләтле.
2016 елдан башлап Татарстан Республикасы территориясендә төрле финанслау чыганаклары исәбенә (шул исәптән гражданнарның шәхси акчалары исәбенә дә) 415 544 автоном ягын хәбәрчеләре гражданнарның 139 668 йорт биләмәсендә урнаштырылган.
Урнаштырылган автоном янгын сүндерү хәбәрчеләре үзләренең нәтиҗәлелеген күрсәтте инде. Әйтик, 2016-2023 елларда торак йортларда (фатирларда) булган 108 янгын очрагында янгын хәбәрчеләре эшләп, яшәүчеләр янгын турында вакытында хәбәр ителгән, шулай итеп 270 кешенең, шул исәптән 85 баланың гомере сакланган.
2023 ел башыннан Татарстанда торак йортларда һәм фатирларда янгынның 7 очрагы теркәлгән, бу вакытта янгын хәбәрчеләре эшләү нәтиҗәсендә йортта яшәүчеләр янгын чыгу турында вакытында хәбәр ителгән, бу 8 кешенең гомерен коткарды.
Исегезгә төшерәбез, янгын хәбәрчесе эчке якка эләккән төтен кисәкчәләренә тавыш сигналы белән җавап бирә. Өстәвенә, тавыш шулкадәр көчле, хәтта йоклап киткән кешене дә уята ала. Түшәмгә ныгытылган планка куегыз (комплектта килә) ике саморез яки ике яклы скотч ярдәмендә. Әгәр дә сезнең түшәмнәр тарттырылган булса, түшәмнән 10-15 см ераклыкта стенага беркетеп була.
Мондый җиһазлар автоном режимда эшли:
- ягъни конструкция үткәргечләрне һәм бинаның инженерлык челтәрләренә тоташтыруны күздә тотмый;
- Туклану батарейкадан («Крона» тибындагы) гамәлгә ашырыла, җайланманың оптималь эшләве бер елга җитәрлек. Заряд түбән дәрәҗәдә булганда һәм кирәк булганда, туклану чыганагын (батарейканы) алмаштырырга, прибор сезгә кыска тавыш сигналлары белән хәбәр итәчәк.
Төтен тибындагы хәбәр итүченең бәясе зур түгел: уртача 300-400 сум. Килешегез: бу сумма сезнең тормышыгызның яисә мөлкәтегезнең күпме торуы белән чагыштырганда бик аз.