ТР буенча Россия ГТХМ Баш идарәсе җитәкчелеге БЦП инвалидлары арасында футбол буенча спорт ярышларында катнашучыларны призлар белән бүләкләде
Шушы көннәрдә Татарстан Республикасы инвалидлар физкультура-спорт җәмгыяте вәкилләре Россия гадәттән тыш хәлләр министрлыгының ТР буенча Баш идарәсе башлыгы Рафис Хәбибуллинга БЦП инвалид спортчылар арасында футбол буенча "Күңелле стартлар" спорт ярышларында катнашучыларны котлау һәм призлар белән бүләкләү үтенече белән мөрәҗәгать иттеләр.
6 нчы май көнне Казанның Урицкий исемендәге паркында мөмкинлекләре чикләнгән уннарча кеше җыелды. Аларның туп белән халык уенында җиңү омтылышында үз авырлыкларын җиңү һәм коллективта спорт мәйданчыгында үзләрен яхшы яктан күрсәтү теләге дә ачык күренә. Һава торышы да уңды. Якты кояш, җил юк диярлек-уен өчен барлык шартлар да.
Символик ярыш тәмамланганнан соң, шартлы көндәшләр кул кушырып алыштылар һәм уеннан ләззәт алып килгән өчен бер-берсенә рәхмәт әйттеләр.
Татарстан Республикасы буенча Россия ГТХМ Баш идарәсенең кадрлар, тәрбия эшләре һәм психологик тәэмин итү идарәсе вәкиле, эчке хезмәт полковнигы Андрей Долганов турнирда катнашучыларны котлады һәм аларга гадәттән тыш хәлләр министрлыгыннан бүләк сертификатлары тапшырды.