Торакта янгыннарны булдырмау буенча профилактик эш
Янгыннарның һәм аларда һәлак булган кешеләрнең төп өлеше торак фондка туры килә, шуңа күрә дәүләт янгынга каршы хезмәте хезмәткәрләренең торакка профилактика эше даими контрольдә тора. Ел дәвамында профилактик төркемнәр составында социаль яклау органнары һәм полиция контроле астында булган гражданнарның яшәү урыннары була.
«Торак-2022» операциясе кысаларында күп балалы гаиләләр, ялгыз картлар, инвалидлар, шулай ук әхлакый яшәү рәвеше алып баручы, спиртлы эчемлекләр кулланучы затларның яшәү урыннары исәпкә алынды. Бу өйләрдә Зәй муниципаль районы буенча надзор эшләр һәм профилактик эшләр бүлеге хезмәткәрләре Зәй шәһәренең 88 нче янгын-коткару бүлеге хезмәткәрләре белән бергә булдылар.
Район территориясендә булган янгыннарны анализлап, гадәттән тыш хәлләр министрлыгы хезмәткәрләре халык белән әңгәмә вакытында тузган электр үткәргечләрнең һәм төзек булмаган мичләрнең торышына аерым игътибар бирүләрен сорадылар.
Әңгәмә барышында халыкка белешмәлекләр тапшырылды, ашыгыч хезмәтләрнең номерларын искә төшерделәр һәм янгын куркынычсызлыгы таләпләрен катгый үтәүгә басым ясалды.
-Бүгенге көндә 397 күп фатирлы торак йортта, 844 шәхси йортта профилактик эш алып барылды һәм, әлбәттә, дәвам итәчәк, - дип билгеләп үтте Зәй муниципаль районы буенча күзәтчелек эшчәнлеге һәм профилактика эшләре бүлеге инспекторы Лилия Писарева.