РФ ГТХМ башлыгы урынбасары Николай Гречушкин Гадәттән тыш хәлләрне кисәтү һәм бетерү буенча бердәм дәүләт системасы эшчәнлегенә йомгак ясауда катнашты
20 гыйнварда Казанга эш визиты белән Россия ГТХМ Министры урынбасары генерал-лейтенант Николай Гречушкин килде. Ул 2021 елда Татарстан һәм Идел буе ярдәмче системаларының эшчәнлегенә йомгак ясауда һәм 2022 елга бурычлар куюда катнашты, шулай ук Россия гадәттән тыш хәлләр министрлыгының кайбер бүлекчәләре эшчәнлеге белән танышты.
Барлыгы Россия ГТХМ һәм Татарстан Республикасы Президенты ярдәме белән узган ике елда 50 берәмлек техника исәпкә алынды һәм 75 янгын сүндерү һәм коткару автомобильләренә капиталь ремонт ясалды.
Үз чиратында, Татарстан Республикасы Премьер-министры Алексей Песошин ассызыклаганча, соңгы елларда Татарстанда ведомство бүлекчәләрен матди-техник яктан тәэмин итүгә юнәлдерелгән чаралар уңышлы гамәлгә ашырыла.
Шуннан соң мәртәбәле кунаклар Татарстан Республикасы Премьер-министры Кубогына янгын сүндерү-коткару спорты буенча XVII Бөтенроссия ярышларын ачу тантанасында катнаштылар, анда Россия Федерациясенең 15 субъектыннан 400 гә якын кеше катнаша.
Кунакларга һәм ярышларда катнашучыларга мөрәҗәгать итеп, Россия ГТХМ башлыгы урынбасары Николай Гречушкин янгын сүндерү-гамәли һәм янгын-коткару спортының көчле һәм батыр кешеләр спорты булуын әйтте. Ул шулай ук хәзерге вакытта Россия Федерациясе Хөкүмәте тарафыннан 2030 елга кадәр Россия гадәттән тыш хәлләр министрлыгын яңадан җиһазландыру программасы кабул ителүен ассызыклады.