Беренче сыйныф укучыларына янгын куркынычсызлыгы турында сөйләделәр
Балалар куркынычсызлыгы айлыгы кысаларында Татарстан Республикасында балалар белән янгын куркынычсызлыгы һәм көнкүрештә куркынычсыз тәртип кагыйдәләре буенча өйрәтү дәресләре дәвам итә. Хәзер, яңа уку елы башлану белән, бу танып-белү "лекцияләр" уку йортларында үткәрелә.
Традиция буенча Белем көнендә Россия ГТХМ хезмәткәрләре линейкаларда дежур торып кына калмыйлар, мәктәпләрдә укыту дәресләре дә үткәрәләр. Озын җәйге каникуллардан соң балаларга яхшы таныш булган куркынычсызлык кагыйдәләре турында искә төшерәләр.
Казан шәһәре Мәскәү районының «Г.Ибраһимов исемендәге 17 нче татар гимназиясе» муниципаль бюджет гомуми белем бирү учреждениясенең беренче сыйныф укучыларына котлау сүзе белән янгын күзәтчелеге буенча дәүләт инспекторы Руслан Сафин килде һәм аларга озын мәктәп «йөзүендә» яхшы юллар теләде.
Балалар, башта, бераз кыенсынып утырдылар, әмма соңыннан диалогка кушылдылар һәм әңгәмәдә актив катнаша башладылар.
Татарстан Республикасы буенча Россия ГТХМ Баш идарәсенең күзәтчелек эшчәнлеге һәм профилактик эш идарәсенең аеруча мөһим объектларда күзәтчелек бүлеге баш белгече Руслан Сафин ашыгыч хезмәтләрне чакыру номерларын һәм янгын чыккан очракта гамәлләр тәртибе турында искә төшерде.
Соңыннан беренче сыйныф укучыларына аларның тормышларында беренче тематик дәресләр расписаниеләре һәм китап нигезләмәләре таратылды.