Олимпия-Динамолыларны балалар куәтлиячәк
Бүген Япония башкаласында XXXII җәйге Олимпиада уеннары старт ала. Әлеге вакыйга уңаеннан «Татарстан Республикасының «Динамо» физкультура-спорт җәмгыяте» иҗтимагый-дәүләт оешмасы «Динамо – Татарстан» балалар иҗаты республика конкурсын оештырырга карар кылды.
Токиога 350 гә якын Россия спортчысы барачак, аларның 15 - Татарстан Республикасының «Динамо» җәмгыятеннән. Безнең спортчыларга ярдәм итү, җанатарларны спорт һәм Олимпия уеннары идеяләре тирәсендә берләштерү бик мөһим.
Конкурсның төп бурычлары:
- безнең олимпиячеләребез ярдәме;
- җәмәгатьчелек игътибарын "Динамо" җәмгыяте эшчәнлегенә җәлеп итү һәм динамо хәрәкәтен пропагандалау;
- балаларны, яшүсмерләрне һәм яшьләрне спорт традицияләренә тарту;
- сәламәт яшәү рәвешенә ихтыяҗ;
- патриотизм тәрбияләү.
Конкурс эшләре ябык рәвештә «На республиканский конкурс детского творчества «Динамовцы Татарстана-олимпийцы в Токио!» тамгасы белән җибәрелә: 420015, Казан ш., Горький ур., 10 й., спорткомплекс «Динамо» тел: (843) 2913525, 2646452, 89510667373. Конкурска җибәрелгән эшләр кире кайтарылмый һәм рецензияләнми.
Республика балалар иҗаты конкурсына йомгак 2021 елның 26 августына кадәр ясалачак.