Социаль куркыныч хәлдә булган гаиләләр аерым контрольдә
Хәзерге торакта янгынның потенциаль чыганаклары күп - төзек булмаган электр приборлары һәм электр челтәрләре, электр челтәрләрен артык йөкләү, газ һәм электр плитәләре, мич ягу. Болар барысы да тиешле игътибарсыз янгын чыгу куркынычы булып тора.
«Торак фондта куркынычсызлык айлыгы» кысаларында Саба районында ведомствоара комиссия тарафыннан социаль куркыныч хәлдә булган гаиләләр яшәү урыннары тикшерелде. Хәзерге вакытта районда шундый 14 гаилә исәпләнә.
Социаль яклау учреждениесе, балигъ булмаганнар эшләре буенча комитет, полиция һәм дәүләт янгын күзәтчелеге хезмәткәрләре катнашында комиссия составында күрсәтелгән категориядәге гражданнарның яшәү урыннарына бардылар.
Уртак рейд барышында күзәтчелек эшчәнлеге һәм профилактик эшләр буенча Районара бүлек башлыгы Айнур Галимуллин көзге-кышкы янгын куркынычы чорында көнкүрештә янгын куркынычсызлыгы таләпләрен аңлату буенча инструктаж үткәрде. Гражданнарга янгын куркынычсызлыгы чаралары һәм янгын вакытында үз-үзеңне тоту кагыйдәләре турында белешмәлекләр тапшырылды.