Россия Федерациясе янгын сүндерүчеләренең 377 еллыгына багышланган «Батырлык Кубогы» «Батыр» боз аренасында чын геройларны җыйды. Көрәштә Россия гадәттән тыш хәлләр министрлыгының Татарстан Республикасы буенча Баш идарәсе (Казан), Көньяк-Көнчыгыш җыелма командасы (Әлмәт), Россия гадәттән тыш хәлләр министрлыгының Башкортстан Республикасы буенча Баш идарәсе (Уфа) һәм Россия гадәттән тыш хәлләр министрлыгы ветераннарыннан торган Татарстан Республикасы ТРО ВДПО җыелма командасы (Байлар Сабасы авылы) катнашты.

1986 елның 26 апреле — атом-төш энергетикасы тарихын мәңгегә үзгәрткән дата. 40 ел элек бөтен ил өчен авыр сынау булган һәлакәт килеп чыкты. Чернобыль АЭСындагы авария - ул кеше хатасы һәм фидакарьлек бәясен күрсәткән дәрес. Бүген, дүрт дистә елдан соң, без ачык аңлыйбыз: ул вакыйгаларның төп нәтиҗәсе-күзгә күренми торган куркыныч юлына баскан кешеләрнең тиңдәшсез батырлыгы.

Хөрмәтле Татарстан Республикасы халкы һәм кунаклары! 2026 елның 25 апреленнән 11 маена кадәр республиканың бөтен территориясендә янгынга каршы махсус режим кертелә. Бу чорда үзебезне, якыннарыбызны һәм әйләнә-тирә табигатьне саклау өчен махсус янгын куркынычсызлыгы кагыйдәләре гамәлдә.

Гадәттән тыш хәлләр министрлыгының бөтен шәхси составы бүген өмәгә чыкты. Хезмәткәрләр уртак тырышлык белән эшләделәр һәм территория чүп-чардан һәм былтыргы яфраклардан чистартылды. Бу вакытта хатын-кызлар тәрәзәләрне юдылар һәм министрлык кабинетларын тәртипкә китерделәр. Уртак хезмәт эшчәнлегенең нәтиҗәсе кабинетларда һәм янәшәдәге территорияләрдә чисталык һәм уңайлылык булдырды.