Казан дәүләт дары заводында янгынны сүндергән вакытта каравыл башлыгы геройларча һәлак булган

24 нче мартта 20 сәгать 24 минутта “Русия ГТХМ федераль янгынга каршы хезмәтнең 35 нче махсус идарәсе” ФДКУ 3 нче махсус янгын сүндерү һәм коткару бүлегенең пультына Казан дәүләт дары заводының склад бинасында янгын сигнализациясе кабыну турында сигнал килгән. Чакыру урынына беренче килеп, 3 нче махсус бүлекнең каравыл башлыгы эчке хезмәт капитаны Эдуард Илларионов шәхси составына магистраль линияләрне җәергә һәм янгын сүндерү машиналарын су чыганакларына тоташтырырга боерык биргән, ә үзе хәтәр зонада мөстәкыйль рәвештә разведка үткәрергә карар иткән.Разведка үткәргән вакытта бинада шартлау булган, аның нәтиҗәсе буларак, каравыл башлыгы җәрәхәтләнгән.