Тәүлек эчендә Татарстанда 8 янгын чыккан

Узган тәүлектә чакыру буенча янгын сүндерү бүлекләре 57 тапкыр ярдәмгә чыккан. Шул исәптән  чүп-чар януга – 6, ялган чакыру буенча – 21, башка хезмәтләр белән үзара эшләүгә – 8, янусыз кыска ялганыш аркасында – 2, ризык көю аркасында – 2. Республика янгын сүндерүчеләре 8 янгынны сүндергән, шул исәптән торак секторда – 5. 1 кеше зыян күргән.

Янгыннарның сәбәпләре: ут төртүдән – 2, электр җиһазны дөрес урнаштырмаудан – 4, ут белән саксыз эш итүдән – 1, сүндерелмәгән тәмәке төпчегеннән – 1.

Юл-транспорт һәлакәте нәтиҗәләрен бетерү буенча авария-коткару эшләренә янгын сүндерү бүлекчәләре 10 тапкыр чыкканнар.

Ирекле янгын сүндерүчеләр янгынга 1 тапкыр чыкканар.

ТР ГТХМ карамагындагы Эзләү-коткару хезмәтенең кизү бүлекләре чакыру буенча 7 тапкыр чыкканнар. Шул исәптән ишекләрне ачуга – 1, юл-транспорт һәлакәтенә – 1, суда эзләү операцияләренә – 1, башкаларга – 4. Профилактик эшкә – 1.

Татарстан Республикасы буенча Россия Гадәттән тыш хәлләр министрлыгы Баш идарәсе кисәтә:

•         Спиртлы эчемлекләрне артык эчмәскә

•         Яткан җирдән тәмәке тартмаска           

•         Балаларны караучысыз калдырмаска, аларга янгын куркынычсызлык кагыйдәләрен аңлатырга

•         Төзек булмаган электр үткәргечтән, ватык электр җиһазларыннан файдаланмаска

•         Электр челтәренә артык күп электр җиһазы кушмаска

•         Электр җылыткычлары кулланганда саклык белән эш итәргә

•         Электр һәм газ приборларын кабызган килеш калдырмаска

Янгын үзеннән үзе чыкмый – моңа кешеләрнең куркынычсызлык кагыйдәләрен үтәмәве, бармак аша каравы сәбәпче.