«Чернобыль Йолдызы» фестивале иң сәләтлеләрне билгелиячәк

      Февральда Чернобыль АЭСында булган авария ликвидаторлары батырлыгына багышланган балалар һәм үсмерләр III Халыкара героик-патриотик «Чернобыль Йолдызы» фестивале башланды. Фестиваль Россия МЧС һәм әдәбият  һәм сәнгать өлкәсендә “Чернобыль Йолдызы”  Халыкара  премия тапшыру Комиссиясе ярдәме белән үткәрелә.

      Ярышларда 7-18 яшьлек, аерым яки төркем белән, белем бирү учрежденияләре укучылары катнаша ала. Катнашу өчен гаризалар 1 апрельгә кадәр marina_gull@rambler.ru электрон почтасы буенча кабул ителә. Шулай ук Мәскәү шәһәре, Давыдовская урамы 7, 420 ком. адресына җибәрергә була. Гариза копиясен 365_155@mail.ru почтасына җибәрегез.

      Фестивальнең максатлары һәм бурычлары:

-       Чернобыльда булган трагедия вакыйгалары һәм геройлары белән танышу;

-       Чернобыльда булган трагедия геройлары исемнәрен мәңгеләштерү;

-       Балалрда геройларга карата хөрмәт тойгысын булдыру;

-       Сәләтле балаларга иҗади үсешләрендә ярдәм күрсәтү.

      Фестиваль алдагы конкурслардан торачак:

-       Нәфис иҗат (сынлы, декоратив-гамәли);

-       Әдәбият иҗаты (шигырь һәм проза);

-       Музыкаль башкару иҗаты (вокал, инструменталь жанр, хореография);

-       Сәхнә иҗаты (сынлы сүз, театраль постановка).