Тәүлек эчендә Татарстанда 14 янгын чыккан

Узган тәүлектә янгын сүндерү бүлекчәләре чакыру буенча 72 тапкыр ярдәмгә чыккан.  Чүп-чарны сүндерергә 8 тапкыр. Республикада 14 янгын очрагы теркәлгән. Торак секторда – 7 янгын. 2 кеше зарар күргән, 11 кеше коткарылган.  Сәбәпләре: мичне артык кыздырудан – 4 янгын, ут белән саксыз эш итүдән – 3 янгын, кыска ялганыштан – 3 янгын, электр җиһазны кулланган вакытта янгын куркынычсызлык кагыйдәләрен дөрес үтәмәү аркасында – 2 янгын, газ балонын кулланган вакытта янгын куркынычсызлык кагыйдәләрен дөрес үтәмәү аркасында – 1 янгын, элект җиһазны монтажлаганда  кагыйдәләрне дөрес үтәмәү аркасында – 1 янгын. 

Ирекле янгын сүндерүчеләр янгынга – 4 тапкыр чыктылар.

ДТП нәтиҗәләрен ликвидацияләү буенча авария – коткару эшләренә янгын сүндерү бүлекчәләре 14 тапкыр чыктылар. 12 кеше коткарылган. Эзләү – коткару зональ отрядының дежур каравылы тревога буенча 12 тапкыр чыктылар. Шуларның 4се ишекләрне ачу буенча, башка чакырулар буенча 8 тапкыр.

01.02.2014 ел  02.51 Әлмәт шәһәре, Чапаев урамы, 3 нче йорт.

Ут биш катлы торак йортның бишенче каттагы  ике бүлмәле фатирда чыга. Мәйданы 40 кв.м.  Янгын сүндерүчеләр 4 һәм 5 каттан 11 кешене коткаралар. Ике  ир кешене төрле тән җәрәхәтләре белән Әлмәт шәһәренең үзәк хастахәнәсенә озаталар. Янгынның сәбәбе - газ балонын кулланган вакытта янгын куркынычсызлык кагыйдәләрен дөрес үтәмәү.

Россия Гадәттән тыш хәлләр министрлыгы ТР буенча баш идарәсе кисәтә:

•         Спиртлы эчемлекләрне артык эчмәскә

•         Яткан җирдән тәмәке тартмаска   

•         Балаларны караучысыз калдырмаска, аларга янгын куркынычсызлык кагыйдәләрен аңлатырга

•         Төзек булмаган электр үткәргечтән, ватык электр җиһазларыннан файдаланмаска

•         Электр челтәренә артык күп электр җиһазы кушмаска

•         Электр җылыткычлары кулланганда саклык белән эш итәргә

•         Электр һәм газ приборларын кабызган килеш калдырмаска

Янгын үзеннән – үзе чыкмый – моңа кешеләрнең куркынычсызлык кагыйдәләрен үтәмәве, бармак аша каравы сәбәпче.   

.