Тәүлек эчендә Татарстанда 11 янгын чыккан

Узган тәүлектә янгын сүндерү бүлекчәләре чакыру буенча 84 тапкыр ярдәмгә чыккан.  Чүп-чарны сүндерергә 8 тапкыр. Республикада 11 янгын очрагы теркәлгән. Торак секторда – 4 янгын.   1 кеше үлгән, 1 кеше зарар күргән, 1 кеше коткарылган. Сәбәпләре: янгын белән саксыз эш итүдән 1 янгын, мичнең артык кызып китүдән – 1 янгын, кыска ялганыштан 3 янгын, ут төртүдән – 3 янгын, 2 очракның сәбәпләре ачыклана.

Ирекле янгын сүндерүчеләр янгынга 1 тапкыр чыктылар.

ДТП нәтиҗәләрен ликвидацияләү буенча авария – коткару эшләренә янгын сүндерү бүлекчәләре 25 тапкыр чыктылар. 21 кеше коткарылган. Эзләү – коткару зональ отрядының дежур каравылы тревога буенча 12 тапкыр чыктылар. Шуларның 4се ишекләрне ачу буенча, ДТПга  - 2 тапкыр, эзләү операциягә – 1 тапкыр, башка чакырулар буенча – 2 тапкыр.

31.12.2013 ел  01.52  Биектау районы, Бирюли авылы,  Гагарина урамы, 25 нче йорт

Ут бер катлы бүрәнәле шәхси йортта чыкты. Мәйданы 2 кв.м.  Янгын сүндерүчеләр  бер кешене коткаралар, аны төрле тән җәрәхәтләре белән хастаханәгә алып киттәләр.  Янгынның сәбәбе – электр җылыту җиһазларны кулланган вакытта янгын куркынычсызлык кагыйдәләрен дөрес үтәмәү.

31.12.2013 ел  11.05  Алабуга МР, Тат. Дюм-Дюм ООО Агрофирма “Яшь Күч” авылы, сулык

Ут ООО АФ “Яшь Күч” механизаторлар йортына чыга. Мәйданы 0,5 кв.м. Янгынны сүндергән вакытта янгын сүндерүчеләр, 1959 елгы ир-ат мәетен табалар. Янгынның сәбәбе - ут төртү.

31.12.3013 ел 20.05-20.45 Алексеевск районы, Архаровка елгасы

ЗПСО№3 коткаручылары бозда югалган, 1970 елгы балыкчыны эзләделәр. Аны табып ашыгыч медицина хезмәткәрләренә тапшырдылар.     

Россия Гадәттән тыш хәлләр министрлыгы ТР буенча баш идарәсе кисәтә:

•         Спиртлы эчемлекләрне артык эчмәскә

•         Яткан җирдән тәмәке тартмаска

•         Балаларны караучысыз калдырмаска, аларга янгын куркынычсызлык кагыйдәләрен аңлатырга

•         Төзек булмаган электр үткәргечтән, ватык электр җиһазларыннан файдаланмаска

•         Электр челтәренә артык күп электр җиһазы кушмаска

•         Электр җылыткычлары кулланганда саклык белән эш итәргә

•         Электр һәм газ приборларын кабызган килеш калдырмаска

Янгын үзеннән – үзе чыкмый – моңа кешеләрнең куркынычсызлык кагыйдәләрен үтәмәве, бармак аша каравы сәбәпче.