Автоматизмга җиткерелгән гамәлләр - куркынычсызлык нигезе
Буа шәһәренең 2 нче лицееның 8 нче сыйныф укучылары Буа һәм Чүпрәле муниципаль районнары буенча районара күзәтчелек эшчәнлеге һәм профилактика эше бүлеге башлыгы Айдар Хәйруллин белән очраштылар.
Сентябрьдә, Балалар куркынычсызлыгы айлыгы кысаларында, барлык мәктәпләрдә дә чын гадәттән тыш хәлдә автоматизмга җиткерелергә тиешле гамәлләрне ныгытуга һәм эшкәртүгә юнәлдерелгән дәресләр үткәрелә.
Россия ГТХМ хезмәткәре үз чыгышында балаларга һәм укытучыларга электр приборларын куркынычсыз эксплуатацияләү кагыйдәләре, шырпы һәм зажигалкаларны сак куллану, алар белән уеннарны тыю, өлкәннәргә һәм күршеләргә йортта янгын чыгуы турында ничек хәбәр итәргә кирәклеге турында искәртте.
Чара ахырында балалар өйдәгеләргә мөһим белемнәре белән уртаклаша алсын өчен күрсәтмә-агитация материаллары таратылды.