Түбән Камада кыргый пляжлар буенча көндәлек рейдлар башланды
Эссе көннәр башлану белән Түбән Камада су буендагы ял итү урыннарын контрольдә тотуны көчәйттеләр. ГТХМ, полиция һәм муниципалитет хезмәткәрләре көн саен куркыныч шартлар аркасында коену тыелган санкцияләнмәгән пляжларда рейдлар үткәрә.
Кисәтү билгеләренә карамастан, күп кенә шәһәр кешеләре техник зоналарда ял итүләрен дәвам итәләр: кояшта кызыналар, су коеналар һәм чумалар. Әмма андый урыннар куркынычсыз ял итү өчен җиһазландырылмаган.
Рейдлар вакытында хезмәткәрләр беркетмәләр төземиләр, ә профилактикага басым ясыйлар, халыкка тыелган урыннарда коенуның мөмкин булган нәтиҗәләрен аңлаталар.
Рәсми шәһәр пляжында ял итүчеләрнең куркынычсызлыгын көн дәвамында кизү торучы һәм кирәк булганда оператив ярдәмгә килергә әзер коткаручылар тәэмин итә.
ГТХМда яшәүчеләрне ял итү өчен җиһазландырылган пляжларны гына сайларга һәм үз тормышларын акланмаган куркынычка дучар итмәскә чакыралар.