Казан шәһәрендә Россия – АСЕАН саммитын уздырганда кешеләрнең тормыш иминлеген тәэмин итү максатларында Татарстан Республикасы Министрлар Кабинеты карары белән 2026 елның 17 июнендә 00:00 сәгатьтән 19 июнендә 24:00 сәгатькә кадәр 3 нче транспорт дамбасыннан Киров дамбасына кадәр Казансу елгасы участогында кече суднолардан файдалану тыелган.  

Россия Федерациясе Президенты Указы нигезендә Россия гадәттән тыш хәлләр министрлыгының Татарстан Республикасы буенча Баш идарәсе башлыгы Ирек Кадамовка эчке хезмәт генерал-майоры махсус исеме бирелде. Казанга эш сәфәре кысаларында Россия ГТХМ башлыгы Александр Куренков Татарстан Республикасы Рәисе Рөстәм Миңнеханов катнашында тантаналы шартларда югары җитәкчеләр составы погоннарын тапшырды.  

Татарстанга эш сәфәрен Россия гадәттән тыш хәлләр министрлыгы башлыгы Александр Куренков янгын сүндерүчеләр һәм коткаручылар өчен яңа укыту-тренировка полигоны төзелешен караудан башлады. Республика рәисе Рөстәм Миңнеханов белән бергә ул Лаеш районында, Габишево һәм Комлы Кавал авыллары янәшәсендәге эшләр участогында булды. Биредә, «Казан-Экспо» күргәзмә үзәгеннән 15 чакрым ераклыкта, «Комплекслы куркынычсызлык»халыкара салонының төп чаралары узачак. Министр төзүчеләр белән аралашты һәм аларга эшләре өчен рәхмәт белдерде. Мәйданда хәзер янгын сүндерү часте һәм административ-көнкүреш корпусы төзелә. Тренажер комплексы монтажлана.  

Казан шәһәрендә VK Fest 2026 музыка фестивален уздырганда кешеләрнең тормыш иминлеген тәэмин итү максатларында Татарстан Республикасы Министрлар Кабинеты карарлары белән 2026 елның 7 июнендә «Миллениум» күпереннән Кремль дамбасына кадәр Казансу елгасы участогында кече үлчәмле суднолардан, шулай ук җилкәнле, җәяүле, спорт судноларыннан, гидроциклларны, байдаркаларны, ишкәкле көймәләрне дә кертеп, файдалануны тыю билгеләнде.14:00 сәгатьтән 22:00 сәгатькә кадәр.