Төмән делегациясе Татарстанның төрле тармаклардагы тәҗрибәсен өйрәнә
Төмән өлкәсеннән вәкиллекле делегация составында эш визиты белән Казанга Төмән өлкәсенең Гражданнарны саклау һәм янгын куркынычсызлыгы департаменты директоры Андрей Горин килде.
Очрашуда Татарстан Республикасы Гражданнар оборонасы эшләре һәм гадәттән тыш хәлләр министры вазыйфаларын вакытлыча башкаручы Андрей Орлов Төмән хезмәттәшен Татарстан Гадәттән тыш хәлләр министрлыгының төп табигый һәм техноген куркынычлары һәм структурасы белән таныштырды, шулай ук янгын куркынычсызлыгы һәм халыкны һәм территорияләрне гадәттән тыш хәлләрдән саклау өлкәсендә тупланган тәҗрибә турында сөйләде. Ул гражданнар оборонасы мәсьәләләренә һәм «Татарстан Республикасы Янгын сагы»ТР Дәүләт казна учреждениесен алга таба этаплап үстерү перспективаларына аерым игътибар бирде.
Андрей Горин «юл картасы» булдыру һәм халыкка үзәк хәбәр итүнең төбәк автоматлаштырылган системасы һәм халыкка хәбәр итүнең муниципаль сегменты эшчәнлеге тәҗрибәсе белән уртаклашты. Өлкә РАСЦО мөмкинлекләре Төмән өлкәсе халкының 85% оп хәбәр итәргә мөмкинлек бирә.