Су урыннарында сак булыгыз

ТР МЧС Баш идарәсе бозда куркынычсызлык чаралары турында искә төшерә:

-       Бозга чыгу очрагында истә тотарга кирәк, боз калынлыгы 1 кеше өчен минимум 7 см.

-       Боз калынлыгы сулыкның бар җирендәдә бер түгел. Юка боз катламы яр янында, елгалар кушылу, бозга каткан предметлар, җир асты сулары, канализация суы кушылу урыннарында була.

-       Ныгып бетмәгән бозга басканыгызны сизү белән (чатнау, бөгелү, су барлыкка килү), ярга таба аякларны киң куеп боздан күтәрмичә чыгыгыз, чик очракта – үрмәләгез.

-       Аяк белән сугып боз чыдамлылыгын тикшермәгез.

-       Елга аркылы боз өстеннән чыкмагыз.

-       Группа белән чыкканда 5-6 м дистанция тотырга.

-       Кулыгызда әйберләр булса, боз ярылу очрагында алардан тиз котылу өчен, сул җилкәгезгә элегез.

Боз ярылу очрагында:

-       Паникага бирелмәгез, авыр әйберләрегездән котылыгыз, батмаска тырышыгыз һәм ярдәм чакырыгыз.

-       Аяк киемен салыгыз. Кулларыгызны киң куеп боз кырыена тотыныгыз, түшегезне, аннары чиратлаш аякларыгызны күтәрегез.

-       Башыгызны су өстендә тотыгыз.

-       Төпкә басып бозны яра ярга чыгарга тырышыгыз.

-       Судан бозга күтәрелгәч ярга таба урмәләп яки тәгәрәп килгән якка таба чыгарга кирәк. Басып чабарга ярамый, чөнки кабат боз ярылу куркынычы бар.