Бергә коррупциягә каршы!
27 ноябрьдә Татарстан Республикасы Гадәттән тыш хәлләр министрлыгында Халыкара коррупциягә каршы көрәш көненә (9 декабрь) багышланган «Коррупциягә каршы бергәләп» темасына семинар узды.
Семинарны министрның беренче урынбасары Андрей Николаевич Орлов ачып җибәрде, ул Бөтендөнья календаре буенча «9 декабрь» Истәлекле датасының Халыкара коррупциягә каршы көрәш көне буларак барлыкка килү тарихын искә төшерде.
Семинарда чакырылган экспертлар: Татарстан Республикасы Прокуратурасының коррупциягә каршы көрәш турындагы законнарның үтәлешен күзәтчелек итү бүлеге өлкән прокуроры Юрий Сергеевич Иванов «коррупция юнәлешендәге җинаятьләр кылган өчен җинаять җаваплылыгы» темасы белән чыгыш ясады, шулай ук Башкарма директорның беренче урынбасары – «Россия юристлары ассоциациясе» Гомумроссия иҗтимагый оешмасының Татарстан төбәк бүлеге аппараты җитәкчесе Александр Олегович Музеев «Татарстан Республикасы иҗтимагый оешмалары һәм берләшмәләре Советының коррупциягә каршы көрәш буенча эш тәҗрибәсе»темасы белән.
Шулай ук гражданлык хезмәтенә бәйле тыюлар, шул исәптән хезмәткәрләргә физик һәм юридик затлардан хезмәт вазыйфаларын үтәүгә бәйле рәвештә бүләк (бүләкләү) алуны тыю турындагы мәсьәләләр каралды.
Семинар азагында доклад белән Министрлыкның кадрлар һәм дәүләт хезмәте бүлеге башлыгы Сергей Владимирович Зайцев чыгыш ясады, ул хезмәткәрләргә киләчәк декларация кампаниясенә әзерлекне хәзер үк башларга һәм бу эшкә бөтен җаваплылык белән карарга кирәклеген искәртте.
Семинар йомгаклары буенча Министрлыкның граждан хезмәткәрләре өчен методик тәкъдимнәр әзерләнәчәк.