Татарстан ГТХМ хезмәткәрләре «Тынлык минуты» Бөтенроссия акциясенә кушылды
Ел саен 22 июньдә Россия тарихтагы иң фаҗигале даталарның берсен — Бөек Ватан сугышы башланган көнне искә ала. 1941 елның бу көнендә илебез үзенең явыз һәм мәкерле дошманы - Германия фашизмы белән үлем сугышына керде. Бу вакыйга истәлегенә һәм һәлак булган геройларга хөрмәт йөзеннән ел саен «минута молчания»Бөтенроссия акциясе уза.
Мәскәү вакыты белән 12 сәгать 15 минутта бөтен ил буйлап тормыш туктый. Транспорт агымнары бер генә минутка туктый, теле - һәм радиоканаллар тапшыруларын туктата, кешеләр баш киемнәрен сала, уйга кала. Бу минут-безнең киләчәгебез өчен гомерләрен биргән кешеләргә уйлану, кайгы һәм рәхмәт белдерү вакыты.
Татарстан Гадәттән тыш хәлләр министрлыгы карамагындагы учреждениеләрнең тәүлеклек кизү торучы бүлекчәләрендә дә истәлекле чаралар узды. Ләкин нәкъ менә бер минут тынлык үзәк момент булды – ул хәтернең тере, шәхси һәм бөтен халыкныкы булырга тиешлеген искәртте.
Бүген эзләү-коткару хезмәтенең 2 нче зона эзләү-коткару отрядында дәүләт флагларын төшерделәр һәм бер минут тынлык белән безгә тынычлыкта яшәргә хокук биргәннәрне искә алдылар. Һәм бу минут хөрмәт күрсәтү генә түгел, ә дөньяны бәяләү, үз илеңнең тарихын истә тоту мөһимлеген искә төшерү булсын.