Татарстан Республикасы ГТХМ ветераны Василий Лукьянов 88 яшендә вафат
2025 елның 19 маенда озакка сузылган авырудан соң Татарстан Республикасы Гадәттән тыш хәлләр министрлыгы ветераны, Татарстан Республикасының Гражданнар оборонасы һәм гадәттән тыш хәлләр буенча укыту-методик үзәгенең Казан филиалы башлыгы отставкадагы полковник Лукьянов Василий Алексеевич вафат булды.
Гражданнар панихидасы 2025 елның 21 маенда 10:15 сәгатьтә 12 нче шәһәр клиник хастаханәсендә түбәндәге адрес буенча узачак: Казан шәһәре, Лечебная урамы, 7нче йорт, корпус. 2.
В. А. Лукьянов 1938 елның 27 сентябрендә Мордва АССРның Ичалков районы Папулево авылында туа. 1956 елда Вольск авиация-техник училищесына укырга керә, аны 1959 елда тәмамлый һәм Совет армиясенә хәрби хезмәткә керә.
1966 елда А.Ф. Можайский ис.Ленинград хәрби инженер академиясенә укырга керә. Аны 1971 елда тәмамлый, хәрби инженер – механик белгечлеге ала.
1984 елның декабреннән 1990 елның апреленә кадәр - Казан шәһәренең ГО Штабы начальнигы. 1990 елда полковник В. А. Лукьянов яше буенча СССР Кораллы Көчләре сафларыннан чыгарыла.
1990 елның сентябрендә ГО һәм ТР Гадәттән тыш хәлләр буенча ГО УМҮ курслары башлыгы, аннары УМҮ команда-җитәкче составын әзерләү буенча цикл башлыгы, аннары – Татарстан Республикасы Гадәттән тыш хәлләр һәм ГО буенча укыту-методик үзәкнең Казан филиалы башлыгы итеп билгеләнә. Бу вазифада ул 2010 елга кадәр эшли.
Татарстан Республикасы Гадәттән тыш хәлләр министрлыгы коллективы Василий Алексеевич Лукьяновның вакытсыз вафат булуы өчен тирән кайгы кичерә, аның туганнарының һәм якыннарының тирән кайгысын уртаклаша.