«Профессионаллар» һөнәри осталык буенча чемпионатта көмеш медаль - Тәтеш курсантларында!
Санкт-Петербургның "СКА-Арена" спорт Сараенда тантаналы чарада җиңүчеләрне бүләкләделәр һәм 26-30 ноябрьдә узган һөнәри осталык буенча «профессионаллар» чемпионаты финалына йомгак ясадылар.
«Коткару эшләре» компетенциясе буенча бу чемпионатта Татарстан Республикасыннан Тәтеш дәүләт гражданнарны яклау көллияте курсанты Данис Галишников катнашты, ул чемпионат нәтиҗәләре буенча көмеш призер булды.
Һөнәри осталык буенча «профессионаллар» чемпионаты берничә этапта узды: колледж эчендәге, төбәк, төбәкара (сайлап алу). 2024 елда «Коткару эшләре» компетенциясе буенча барлык этапларда 5 кешедән торган көллият командасы катнашты. Команда финалга чыккач, биш ай буе егетләр бергәләп әзерләнделәр.
Әмма чемпионатны оештыручылар финалда Яшь коткаручылар командасыннан бер генә вәкил чыгыш ясаячак дигән карар кабул итте. Контроль кисемнәр сериясен үткәргәннән соң, команда чемпионатка иң әзерләнгәнен – Данис Галишниковны җибәрергә карар кыла. Ә калганнары аның артыннан Санкт-Петербургка барырга булдылар, аның янында булу һәм аңа катлаулы көрәштә ярдәм итү өчен.
Чемпионатның «коткару эшләре» компетенциясендә илнең 12 төбәгеннән Яшь профессионаллар катнашты. Быел яшь коткаручыларның яңалыгы шул булды: биремнәр индивидуаль характерда була башлады, ә командалы якын килүне таләп итә торган катлаулы биремнәрне үтәгәндә, рандомлы жирәбә буенча катнашучыларны 4 кешелек командаларга берләштерделәр. Чөнки коткаручыларга авария-коткару эшләренә чыкканда кайвакыт башка коткару отрядлары вәкилләре белән бергә эшләргә туры килә.