Ел башыннан Татарстан Республикасы сулыкларында 59 кеше, шул исәптән 5 бала һәлак булган
Россия гадәттән тыш хәлләр министрлыгының Татарстан Республикасы буенча Баш идарәсе җитәкчесе урынбасары вазыйфаларын вакытлыча башкаручы Регина Гаязова бүген брифинг вакытында су коену сезоны нәтиҗәләре турында мәгълүмат җиткерде.
Беренче эш итеп Россия гадәттән тыш хәлләр министрлыгының Татарстан баш комитеты вәкиле статистика мәгълүматларын тәкъдим итте. Регина Гаязова сүзләренә караганда, республикада ел башыннан бирле суда 72 һәлакәт теркәлгән.
Җәйге чорда булган хәлләр республиканың 22 муниципаль берәмлегендә теркәлгән.
Коену сезонында Алексеевск, Саба, Әлмәт, Менделеевск, Бөгелмә, Ютазы, Тукай, Кама Тамагы, Арча, Әтнә, Кайбыч, Баулы, Яңа Чишмә, Нурлат, Минзәлә, Сарман, Зәй, Кукмара, Мамадыш, Балык Бистәсе, Апас, Буа, Чүпрәле муниципаль районнарында.
Шунысын да билгеләп үтәргә кирәк, республикада суда кешеләрнең һәлак булуын кисәтү, коткару постлары белән җиһазландырылган массакүләм су коену урыннары һәм пляжлар санын арттыру буенча даими эш алып барыла.