Александр Куренков: БРИКС илләренең Гадәттән тыш хәлләр ведомстволары гадәттән тыш хәлләрне бетергәндә һәм хезмәттәшлекне ныгытканда үзара ярдәмләшүгә әзер
10 июльдә Казанда Россия гадәттән тыш хәлләр министрлыгы башлыгы Александр Куренков җитәкчелегендә БРИКС илләренең Гадәттән тыш ведомстволары башлыкларының бишенче киңәшмәсе уза.
Ике көнлек чараларда Беларусь, Кытай, Берләшкән гарәп әмирлекләре һәм Эфиопия гадәттән тыш хезмәтләре вәкилләре, видеоконференцэлемтә буенча Һиндстан һәм Көньяк Африка Республикасы катнаша. Фикер алышулар Россиянең БРИКСтагы рәислеге кысаларында уза. Россия гадәттән тыш хәлләр министрлыгы тәҗрибә алмашу һәм халыкара хезмәттәшлек потенциалын формалаштыру өчен бөтен көчен куя.
БРИКС илләренең Гадәттән тыш ведомстволар дәрәҗәсендәге хезмәттәшлеге комплекслы иминлекнең гомуми системасын үстерүгә юнәлдерелгән стратегик инициативалар формалаштыруда мөһим аспект булып тора", - дип билгеләде Александр Куренков.