ГТХМ хезмәткәрләре балалар лагерьларында күңелле һәм гыйбрәтле дәресләр үткәрә
Балаларның җәйге ялы башлану белән шәһәр читендәге сәламәтләндерү лагерьларында гадәттән тыш хәлләр министрлыгы хезмәткәрләре традицион рәвештә янгын куркынычсызлыгы буенча дәресләр үткәрә. Мондый чараларның берсен 8 янгын-коткару отряды һәм ЗМР буенча күзәтчелек эшчәнлеге һәм профилактика эше бүлеге хезмәткәрләре «Горьковец» ДОЛда үткәрәләр.
Монда беренче смена шушы көннәрдә ачылды. Хәзер лагерьда 180 бала ял итә. Балаларның иминлеген тәэмин итү – педагогларның һәм вожатыйларның төп бурычы. Янгын куркынычсызлыгы дәресе ашыгыч эвакуация күнегүләреннән башланды. Балалар бинадан тиз, оешкан һәм паникасыз эвакуацияләнгәннәр. Эвакуацияләнгән балалар саны турында доклад һәм төзелгәннән соң ук ЗМР буенча күзәтчелек эшчәнлеге һәм профилактика эше бүлегенең өлкән инспекторы Илья Венедиктов балалар белән куркынычсызлык чаралары турында әңгәмә үткәрде. Ул тыңлаучыларга янгыннарның ни аркасында килеп чыгуы һәм янгын чыккан очракта ничек эш итәргә кирәклеге турында искәртте. Аннары-иң кызыклы, тамашалы өлеш. 34нче янгын-коткару часте хезмәткәрләре заманча җиһазлар, янгын сүндерүчеләрнең экипировкасы турында сөйләделәр һәм күрсәттеләр.
Мондый дәресләрне гадәттән тыш хәлләр министрлыгы хезмәткәрләре җәйге каникуллар дәвамында һәр лагерьда һәм һәр сменада үткәрәчәк.