БРИКС илләре уеннарына әзерлек: янгында шартлы зыян күрүчеләр коткарылган. Бәяләү "канәгатьләнерлек"
Бүген «Татнефть Арена» боз спорт сараенда узган масштаблы янгын-тактик өйрәнүләрдә 90нан артык кеше һәм 20 берәмлек техника катнашты. Төп бурыч БРИКС илләренең спорт уеннары халыкара мультиспорт чарасына әзерлек һәм аны үткәрү чорында иминлекне тәэмин итүдә катнашкан идарә органнары һәм көчләренең әзерлеген тикшерү.
8 июньнән 24 июньгә кадәр ТР буенча Россия ГТХМ Баш идарәсе бүлекчәләре көчәйтелгән эш режимына күчереләчәк. Форумның иминлеген тәэмин итүдә Россия гадәттән тыш хәлләр министрлыгының Федераль янгынга каршы хезмәте хезмәткәрләре һәм ТР Гадәттән тыш хәлләр министрлыгы каршындагы Эзләү-коткару хезмәте коткаручылары, шулай ук Россия гадәттән тыш хәлләр министрлыгының Федераль дәүләт янгын күзәтчелеге инспекторлары җәлеп ителгән.
Янгын-тактик өйрәнүләрдә янгын сүндерү һәм кешеләрнең күпләп булган объектларда, шулай ук катлаулы шартларда авария-коткару эшләрен үткәрү буенча подразделениеләрнең шәхси составының гамәлләре эшкәртелә. Шулай ук җитәкчеләр составының көчләр һәм чаралар белән идарә итү, янгыннарны сүндерү һәм авария-коткару эшләрен үткәрү буенча гамәлләре тикшерелә.