Казанда Россия ГТХМның 500дән артык хезмәткәре «Россия — Ислам дөньясы: KazanForum» ХV халыкара икътисадый форумының иминлеген тәэмин итүдә катнашты
«Казан Экспо» ХКҮдә 14 майда ачылган «Россия — Ислам дөньясы: KazanForum» ХV халыкара икътисадый форумының эшлекле программасы тәмамланды. Форум үзен Россиянең ислам дөньясы дәүләтләре белән партнерлык мөнәсәбәтләрен һәм үзара файдалы хезмәттәшлеген үстерү өчен нәтиҗәле халыкара платформа буларак танытты.
KazanForum ачык һәм кызыксынучан диалог, хәзерге заманның актуаль мәсьәләләрен тикшерү һәм күпполяр, гадел дөнья төзелешен формалаштыруны хуплаучы илләр арасында алдынгы тәҗрибә алмашу өчен мәйданчык буларак аерым әһәмияткә ия.
Форумның бай программасы Халыкара хезмәттәшлек, ислам финанслары һәм инвестицияләре, хәләл, фән һәм технологияләр индустриясе, инфраструктура үсеше, хатын-кызлар көн тәртибе, кадрлар үсеше, туризм, мәдәният һәм спортның 12 төрле юнәлеше буенча 125 тематик сессияне үз эченә ала.
17 майда пленар утырышта экспертлар Россия һәм Ислам Хезмәттәшлеге Оешмасы илләренең төрле өлкәләрдә үзара хезмәттәшлеге перспективалары турында фикер алыштылар һәм форум эшенә йомгак ясадылар.