Бүген яшь янгын сүндерүчеләр Ватанга, халыкка һәм Гадәттән тыш хәлләр министрлыгына тугрылыкка ант иттеләр
Үзенең һөнәри бәйрәме - Россия янгын сагы көне алдыннан, быел анда 375 яшь тулды, Яшел Үзән 52 нче янгын сүндерү-коткару бүлеге территориясендә тантаналы чара узды.
Янгын сагы ветераннары, дин вәкилләре,Яшел Үзән муниципаль районы башкарма комитеты, Яшел Үзән предприятиеләре һәм оешмалары вәкилләре бәйрәм кунаклары булдлар. Гадәттәгечә, бу көнне янгын сүндерүчеләр янгынга каршы хезмәтнең яшь хезмәткәрләренә ант кабул итү тантанасын уздырдылар. Бүген Ватанга, халыкка һәм Гадәттән тыш хәлләр министрлыгына тагын дүрт яшь хезмәткәр ант итте. Ветераннар һәм кунаклар яңа кешеләрне бу мөһим вакыйга белән котлады.
Янгын сагы көнен бәйрәм итүнең тагын бер күптәнге гадәте - хезмәт бурычын үтәгәндә һәлак булган янгынга каршы хезмәт хезмәткәрләре хөрмәтенә бер минут тынлык. Инде исән булмаганнарны искә алып, ут көрәшчеләре Бөек Ватан сугышы һәм янгын сүндерү сагы ветераннарына, сугыш хәрәкәтләрендә катнашучыларга һәм тыл хезмәтчәннәренә багышланган һәйкәлгә чәчәкләр һәм веноклар салдылар.
8 нче янгын сүндерү-коткару бүлегенең иң яхшы хезмәткәрләренә бүген лаеклы бүләкләр тапшырдылар. Яшел Үзән муниципаль районы башлыгының Рәхмәт хаты белән 53 нче янгын сүндерү-коткару бүлеге башлыгы урынбасары Алексей Доронинны бүләкләделәр. "Эчке хезмәт майоры" чираттагы исемен 34 нче янгын сүндерү-коткару бүлеге өлкән инспекторы Андрей Лазебныйга тапшырдылар. 8 нче бүлек җитәкчелеге исеменнән күпьеллык хезмәттәшлек һәм нәтиҗәле уртак эшчәнлек өчен Васильево кадет интернат-мәктәбе директоры Игорь Савельев һәм укытучы Алексей Константиновка рәхмәт белдерделәр. Ә Татарстан ГХМ исеменнән узган җәйдә давыл вакытында 11 кешене коткарган Павел Матвеевка Рәхмәт хаты тапшырдылар.
Иң дулкынландыргыч мизгелләрнең берсе - 8 нче булекнең атказанган өч хезмәткәрен – 53 нче янгын сүндерү-коткару бүлеге командиры Дмитрий Фатеевны, 52 нче янгын сүндерү-коткару бүлегенең өлкән янгын сүндерүче-Александр Порвановны һәм 52 нче янгын сүндерү-коткару бүлегенең инспекторы Улугбек Турсуновны пенсиягә озату тантанасы булды. Элеккеге традиция буенча, лаеклы ялга китүчеләрне, хезмәт елларында җыелган корымнан су фонтаны белән юдылар.
Бәйрәм азагында истәлеккә уртак фото ясадылар һәм аларны тагын бер кат Россия янгын сагы нигезенең 375 еллык юбилее белән котладылар.