Яшел Үзән районында бозда куркынычсызлык буенча рейдлар дәвам итә
“Язгы боз бик мәкерле”, - дип кисәтә Гадәттән тыш хәлләр министрлыгы хезмәткәрләре. Тыштан таза күренә, ләкин чынлыкта ул кабарынкы, җирәнгеч. Нәкъ менә шул чорда кече үлчәмле суднолар буенча дәүләт инспекциясенең (ГИМС) хезмәткәрләре, бозга яравы булган кешеләрне һәм автотранспортны чыгу урыннарын ачыклау максатыннан, сулыклар буйлап патрульлек итүне көчәйтәләр.
Исегезгә төшерәбез, Татарстан Республикасы Министрлар Кабинетының 2014 елның 25 июнендәге 435 номерлы карары белән Татарстан Республикасында су объектларында кешеләрнең гомерен саклау кагыйдәләренә үзгәрешләр кертелде. Боз калынлыгы 7 сантиметрдан да кимрәк булган су объектына чыгучылар өчен ТР КоАП 3.10 маддәсенең 2 өлеше нигезендә берничә санкция каралган - кисәтүдән алып административ штраф салуга кадәр. Махсус төзелгән профилактик төркемнәр норматив-хокукый актлар нигезендә хәзер Яшел Үзән районындагы су объектларын планлы рәвештә әйләнеп чыгалар. Һөнәри төркемнәр составына кече үлчәмле суднолар буенча дәүләт инспекциясе үзәгенең Яшел Үзән инспекторлык бүлеге хезмәткәрләре, Яшел Үзән муниципаль районы башкарма комитеты җәмәгать тәртибен саклау бүлеге белгечләре, 8 нче янгын сүндерү-коткару бүлеге хезмәткәрләре, полициянең участок вәкилләре керә.