Арча районында "Неополимая купина" конкурсының муниципаль этабы нәтиҗәләре
Белемнәрне киңәйтү, янгыннар чыгуның төп сәбәпләре белән танышу, ут белән сак эш итүнең күнекмәләрен тәрбияләү һәм янгын чыккан очракта дөрес эш итә белү, янгын куркынычсызлыгы чараларын пропагандалау максатларында ел саен «Неополимая купина» янгын куркынычсызлыгы буенча Бөтенроссия конкурсы уздырыла. Мондый конкурслар үткәрү балаларның игътибарын балаларның имгәнүе һәм янгын вакытында балаларның һәлак булуы мәсьәләсенә җәлеп итү һәм кечкенәдән һәр бала янгын куркынычсызлыгы кагыйдәләре турында күбрәк белә алсын өчен кирәк.
19 мартта Бөтенроссия ирекле янгын җәмгыятенең (ВДПО) Казан бүлекчәсе хезмәткәрләре составында комиссия, Арча муниципаль районы башкарма комитетының «Мәгариф идарәсе» муниципаль учреждениесе, Арча һәм Әтнә муниципаль районнары буенча күзәтчелек эшчәнлеге һәм профилактика эшләре районара бүлеге муниципаль этапка йомгак ясады. Барлыгы Арча муниципаль районының 30 мәгариф учреждениесеннән 62 эш катнашты. Комиссия региональ этапта алга таба катнашу өчен иң лаеклы эшләрне сайлады. Барлык балаларга да бәйгедә катнашулары өчен рәхмәт белдерәбез, укуда уңышлар һәм алдагы конкурсларда җиңүләр телибез.