Су ташу көтмәгәндә килеп чыкмасын өчен: су баскан зоналарда яшәүче халыкка Гадәттән тыш хәлләр министрлыгы тәкъдимнәре
Татарстан территориясендә язгы ташу еш кына мул явым-төшемнәр төшү яки кар бик нык эрү нәтиҗәсендә бара.
Экстремаль ситуацияләрдә исән калырга өйрәтү буенча белгечләр фикеренчә, күпчелек очракта кеше үзенең күп кенә бәхетсезлекләрендә үзе гаепле, көндәлек тормышта гамьсезлек, ваемсызлык һәм белмәүчәнлек күрсәтүе. Шуңа күрә кешенең куркынычсызлыгын тәэмин итү буенча элементларның берсе аның теләсә нинди экстремаль ситуацияләргә әзерлеге һәм гадәти булмаган шартларда дөрес эшли белүе.
Су басу сынаучы районнарда яшәүчеләр үзләре дә тискәре нәтиҗәләрне киметә яки бетерә ала. Яхшы хуҗа язгы ташуга алдан ук әзерләнергә һәм язгы ташуның тискәре нәтиҗәләрен вакытында булдырмый калырга тиеш: янәшәдәге территорияне кардан чистартырга, су үткәргеч канау казырга, зур булмаган дамба рәвешендә су киртәсе төзергә һ.б. Синоптиклар фаразларына бик игътибар итәргә кирәк.
Әгәр су басу акрын гына үсешле икән, сезнең вакытыгыз бар, балаларны куркынычсыз урынга эвакуацияләү, милек һәм матди кыйммәтләрне коткару мөмкинлеге буенча барысын да эшләгез.
Сезнең янда, мөгаен, ялгыз һәм өлкән яшьтәге кешеләр яши торгандыр. Аларны куркыныч янавы турында кисәтегез.
Йорт хуҗалыгында һәрвакыт ниндидер терлек бар. Этнең муенчагын бәйдән ычкындырырга онытмагыз. Тавык, үрдәк һәм казларны чормага куып, абзарга ябарга кирәк. Эрерәк хайваннарны алдан ук калкулыкка куарга һәм шунда бәйләп куярга кирәк.
Су торак корылмаларына якын килгәндә, иң яхшысы базлардан азык-төлек һәм эчәргә яраклы су алып чыгу. Газны, суны һәм электрны сүндерегез, мичләрдәге утны сүндерегез. Азык-төлек, кыйммәтле әйберләр, кием-салым, бинаның өске катларына, чормага, ә су күтәрелгән саен - түбәгә күчегез.
Кирәк булган бөтен нәрсәне: йөзү чаралары, коткару чаралары, баулар, баскычлар, сигнал чаралары җыярга тырышыгыз. Күлмәк яки чалбарны йөзә торган җиңел предметлар (туплар, шарлар, буш ябык пластмасса шешәләр) белән тутырыгыз.
Документларны һәм кыйммәтләрне полиэтилен пакетка урнаштырсаң һәм ышанычлы урынга (үз өстеңдә, кием астында) яшерсәң күбрәк сакланышта булачак.
Эвакуация турында кисәтү алу белән:
-Өч көнлек азык запасын җыегыз (шоколад, сөт, су һ.б. азык-төлекне энергетик яктан кыйммәтле һәм балалар туклануы продуктларын алыгыз).
- Җылы гамәли кием әзерләгез.
-Сез гадәттә кулланган беренче ярдәм һәм дарулар аптечкасын әзерләгез.
- Паспортны һәм башка документларны су үткәрми торган пакетка төрегез.
-Үзегез белән бәдрәф әсбаплары һәм урын-җир әйберләре алыгыз.
- Вакыт булганда, тәрәзәләрне һәм ишекләрне бикләгез.
-Базга керә торган ишек янында су үтеп керүгә комачаулаучы җир өеме ясагыз.