Казанда янгын-коткару спорты буенча Татарстан Республикасы Премьер-министры Кубогы өчен көрәш башланды

2023 елның 18 гыйнвары, чәршәмбе

    Бүген Казанда Татарстан Республикасы Премьер-министры Кубогына янгын-коткару спорты буенча XVIII Бөтенроссия ярышларының беренче йөгерешләре узды. Ярышларны ачу тантанасында Татарстан Республикасы Премьер-министры Алексей Песошин катнашачак.
    Ярышларның беренче көнендә стартка 100 метрлы киртәләрне узуда көч сынашкан егетләр, кызлар һәм хатын-кызлар чыкты. Аннан соң штурм баскычы буенча күтәрелештә иң көчлеләрне ачыклаган ир-атлар һәм юниорлар үз сүзләрен алдылар.
    Ярышларның баш судьясы Василий Розов билгеләп үткәнчә, бу сезонда янгын-коткару спорты буенча Россия ГТХМ чараларын ачучы беренче ярышлар.
    Ярышлар өч көн дәвам итәчәк. Җомга көнне турнирның шәхси һәм команда зачетларында җиңүчеләр билгеләнәчәк.