Белем көнендә янгын куркынычсызлыгы кагыйдәләре турында
Яңа уку елының беренче көнендә, яхшы традиция нигезендә һәм балалар куркынычсызлыгы айлыгы кысаларында, Татарстан Республикасы буенча Россия ГТХМ Баш идарәсе хезмәткәрләре Белем көнен укучылар белән үткәрүдә катнашалар һәм тормыш куркынычсызлыгы буенча дәресләр үткәрәләр.
Бүген Казанның 27нче гимназиясендә бишенче сыйныф укучылары өчен педагог ролендә күзәтчелек һәм профилактика эшләре бүлеге инспекторы Виктор Шпраев чыгыш ясады. Ул интерактив дәрес формасында янгын куркынычсызлыгы буенча укыту дәресе үткәрде, янгын чыккан очракта балалар белән актив аралашты һәм аларны үз-үзләрен тоту кагыйдәләренә өйрәтте.
ДЯХ инспекторы бишенче сыйныф укучыларына янгынның сәбәпләре турында сөйләде, янгын чыкмасын өчен нәрсә эшләргә кирәклеген аңлатты. Мөгаллимнәр фикеренчә, ОБЖ дәресләреннән аермалы буларак, хезмәткәрнең формада үткәрә торган шөгыле егет-кызларга аеруча истә кала. Аның сүзләренә балалар аеруча игътибар белән тыңлыйлар.